खोज

गृह मन्त्रालयले लकडाउनका बेला पालना गर्नु पर्ने स्वास्थ्य सुरक्षा मापदण्डको उल्लंघन गर्न थालिएपछि मास्क प्रयोग नगर्नेलाई कारवाहीका लागी स्थानिय प्रशासनलाई पत्राचार गरेको छ ।

गृहको आदेश पश्चात मास्क प्रयोग नगरी हिड्डुल गर्नेलाई कारवाही समेत गर्न थालिएको छ । तर जिल्ला प्रशासन कार्यालय कपिलवस्तुले नागरिकलाई मास्क प्रयोग गर्न उत्प्रेरित गर्नका लागी सडकमा मास्क प्रयोग नगरेका नागरिक जम्मा गरि मास्क बाड्न थालेका छ । मंगलबार तौलिहवाका बिभिन्न स्थानमा २ सय बढि मास्क नलाएका नागरिकलाई जम्मा पारी प्रशासनले मास्क बाडेको हो । सो क्रममा आगामी दिनमा मासक नलगाई नहिड्न समेत सचेत गराईएको थियो । कोरोना संक्रमणको शुरुवाती अवस्थामा नेपालमै सबै भन्दा बढि संक्रमितहरु भेटिएकामा कपिलवस्तु जिल्ला भएकाले समेत कपिलवस्तुमा मास्क प्रयोग गर्न नागरिकलाई सचेतना प्रवाह गरिएको हो ।

बुधबार जिल्ला प्रशासन कार्यालय कपिलवस्तुको अघिको मुख्य सडकमा कपिलवस्तुका प्रमुख जिल्ला अधिकारी दिर्घनारायण पौडेल, प्रहरी उपरिक्षक नवराज अधिकारी र शसस्त्र प्रहरी उपरिक्षक जनक पुरीले नागरिकलाई मास्क प्रयोगको महत्व बुझाउदै सडकमै मास्क बितरण गरे । सो क्रममा मास्क प्रयोग नगर्नेलाई आगामी दिनमा गल्ती दोहोरिए भन्दै प्रहरीले चेतावनी समेत दिएको थियो । कोरोना संक्रमणबाट जोगिन नेपाल सरकारको निर्णय अनुसार मास्क प्रयोगलाई अनिवार्य गरिएको र सो बिषयमा सचेतना प्रवाहका लागी नागरिकलाई मास्क बितरण गरिएको कपिलवस्तुका प्रमुख जिल्ला अधिकारी दिर्घ नारायण पौडेलले जानकारी दिए । “मास्क बितरण सगै मास्क प्रयोग गर्न अटेरी गर्नेलाई सचेत पनि गराएका छौ । अब मास्क प्रयोग नगरेको भेटिए कारवाही हुनेछ ।” प्रजिअ पौडेलले भने ।

यस अघि जिल्ला प्रशासन कार्यालय कपिलवस्तुले सुचना प्रकाशित गर्दै स्वास्थ्य सुरक्षा मापदण्डको पालना नगरिए वा उल्लंघन गरेको भेटिए निजलाई सुरक्षाकर्मीले तत्कालै नियन्त्रणमा लिई संक्रमक रोग ऐन २०२० बमोजिम कडा कारवाही गरिने जानकारी दिएको छ । सो सुचनामा अनिवार्य मास्कको प्रयोग गर्ने, २ मिटरको सामाजिक दुरी कायम गर्ने, सार्वजनिकस्थलमा सेवाग्राही र सेवाप्रदायकले अनिवार्य साबुन पानीले हात धुने तथा सेनेटाईजरको व्यवस्था गर्ने तथा अनावश्यक भिडभाड नगर्न जानकारी दिईएको छ ।

कपिलवस्तु जिल्लामा मंगलबार सम्म ७ सय ४७ जनामा कोरोना संक्रमण फेला परेकोमा अहिले ५० जना मात्रै उपचाररत अवस्थामा रहेका छन । कोरोना संक्रमित फेला पर्ने क्रममा कमी आए सगै मास्क प्रयोग गर्ने र सामाजिक दुरी कायम गर्ने बिषयमा नागरिकले प्रयाप्त सजगता अपनाउन छाडेका हुन ।