खोज

नेकपाका शिर्ष नेताबीचको आन्तरिक कलह बढ्दै गएपछि स्थानीय नेता कार्यकर्ताबीच समेत मनमुटाव भएको छ । कार्यकर्ताहरु सडकदेखि सामाजिक सन्जालमा शिर्ष नेताको पक्ष बिपक्षमा आरोप प्रत्यारोपमा उत्रिएका छन् ।

समर्थनमा र बिरोधमा प्रदर्शनका घटना हुन थालेका छन् । नेकपा बाँकेको पार्टी कार्यालयमा सोमवार बर्तमान सरकारको स्थायित्व र पार्टी एकताको पक्षमा धर्ना दिइयो । तर धर्नाका विषयमा जिल्लाका पार्टीका नेता कार्यकर्ताबीच आरोप प्रत्यारोप चुलिएको छ । नेकपा बाँकेका अध्यक्ष आईपी खरेल र सचिव अशोक कोइरालाको बिरोध जनाए । अघिल्लो दिननै पार्टीले आधिकारिक बिज्ञप्ती सार्वजनिक गरी पार्टी एकताका पक्षमा शिर्ष नेतालाई ध्यानार्कषण गराएको र पार्टी गतिविधि बिरोधी गतिबिधि गरेको पाइए कारवाही गर्ने चेतानी दिएको थियो ।

चेतावनीका बाबजुद धर्ना आयोजना गरिएको अध्यक्ष खरेलले बताए । उनले यस्ता गतिविधिले पार्टी एकतामा चोट पुर्याउने बताए । धर्ना कार्यक्रममा नेकपा पार्टी कार्यालय सदस्य निरक गुरुङ्ग, प्रमोद धिताल,नेता अशोक कर्माचार्य, किस्मत कक्षपति, पुजन बिश्वकर्मा, दत्तप्रशाद आचार्य लगायतले नेतृत्व गरेका थिए । कर्माचार्यका अनुसार पार्टी एकताकै पक्षमा शिर्ष नेतालाई दवाव दिन जिल्ला नेतृत्वलाई जानकारी दिएर धर्ना गरिएको बताए । उनले भने,–‘कसैलाई पनि भ्रम नहोस । धर्ना पार्टी अध्यक्ष,सचिव, इन्चार्जलाई सोधेर गरिएको हो । इन्चार्ज र सचिव कार्यक्रम गर्न सहमति दिनुभएको हो तर अध्यक्षले अस्वीकार गर्नुभएको थियो । अनि यस्तो पार्टी हितमा गरिएको कार्यक्रममा पार्टी नेतृत्वले कायकर्ताहरुलाई नजानु भनेर उर्दी जारी गर्न मिल्छ?’ बढ्दै गएको बिवाद थपिएको छैन । सामाजिक सन्जालमा आरोप प्रत्यारोप चलिरहेको छ । जिल्लाका सोझा नेता कार्यकर्ता चिन्तित छन् । पार्टीमा
फुटको अवस्था आएपछि रोक्न बिभिन्न माध्यमबाट दवाव दिइरहेका छन् । नेकपा बाँकेले प्रेस बिज्ञप्ती जारी गरी पार्टीलाई फुटको अवस्थामा लैजाने गतिविधि नगर्न शिर्ष नेताहरुलाई चेतावनी नै दिएको छ । देशको सम्बृद्धि र कम्युनिष्ट आन्दोलनका लागि नेकपामा एकता अपरिहार्य रहेको पार्टी अध्यक्ष आईपी खरेलले बताए ।

नेकपा एकिकरणको दुई वर्षमा संगठन निर्माणका गतिविधिहरु भए । बनेका संगठनले प्रभावकारीरुपमा काम गर्न नसकेका बेला शिर्ष नेताको बेमेलले कार्यकर्तामा निरासा छाएको छ । स्रोतका अनुसार, नेकपा बाँकेमा पार्टी सदस्यको टुङ्गो लाग्न सकेको छैन । वडास्तरबाट सदस्यता संख्या आउन बाँकी नै रहेकाले कुल सदस्य संख्या यकिन हुन सकेको छैन ।