खोज

सुर्खेत जिल्लामा घरेलुहिंसाका कारण महिलामा आत्माहत्याको दर बढि भएको तथ्याङ्क सार्वजनीक भएको छ । आर्थीक वर्ष २०७४÷७५ मा मात्रै सुर्खेत जिल्लामा भएका ९२ आत्माहत्याका घटना मध्ये महिलाको संङ्ख्या ५९ रहेको छ । त्यसमा पनी बढि झुण्डि आत्माहत्या गर्नेको संख्या अझ बढि भएको जिल्ला प्रहरी कार्यालय सुर्खेतले जानकारी दिएको छ । शुक्रबार कार्यालयले पत्रकार सम्मेलनको आयोजना गरी तथ्याङ्क सार्वजनिक गरेको थियो । झुण्डि आत्माहत्या गर्नेको जम्मा संङ्ख्या ७१ भएकोमा महिला ४६ र पुरुषको संख्या २५ रहेको छ । त्यस्तै बिष सेवन गरि आत्महत्या गर्नेको जम्मा संख्या २१ भएकोमा महिला १३ र पुरुषको संख्या ८ रहेको छ ।
अधिकांश महिलाले आत्माहत्या गर्नुको कारण घरेलुहिंसा नै रहेको जिल्ला प्रहरी कार्यालयका प्रमुख उमाप्रसाद चर्तुवेदिले बताएका छन् । उनले भने ‘ सुर्खेत जिल्लामा भएको अधिकांश आत्माहत्याका घटना मध्ये महिलाको संख्या बढि छ । प्रहरी अनुसन्धानका आधारमा आत्माहत्याको संख्या महिलाको बढि हुनुमा घरेलुहिंसानै बढि भएको पाईएको छ । ’उनले थपे ‘ लागुपदार्थ सेवन गरी श्रीमान्ले विभिन्न मानशिक तनाव दिने तथा आर्थिक रुपमा पनी महिलालाई त्यति अधिकार नदिने भएकोले महिलाले आत्माहत्याको बाटो रोजेको हुनसक्छ ।’
सुर्खेत जिल्लामा आर्थीक वर्ष २०७४÷७५ मा हराएका महिलाको संख्या समेत बढि छ । एकवर्षमा २ सय ६ जना महिला हराएकोमा १ सय १३ महिला फेला परेको र बांकी ९३ जना महिला अझै वेपत्ता भएको जानकारी समेत जिल्ला प्रहरी कार्यालयले दिएको छ । त्यस्तै हराउनेमा बालक ७८ जना, बालीका ४३ जना गरी जम्मा एकवर्षमा हराउनेको संख्या ३ सय ३७ रहेको छ । हराएका महिला पनी घरेलुहिंसाकै कारण हराएको प्रहरी कार्यालयले बताएको छ ।
त्यस्तै सुर्खेत जिल्ला प्रहरी कार्यालयमा मानसिक यातनाका २ सय ७४ घटना यो आर्थिक वर्षमा दर्ता हुन आएका छन् । त्यस्तै मदिरा सेवन गरी शिरिरीक यातनाका घटना ८९, आर्थीक यातनाका घटना ९६ गरी जम्मा ४ सय ५९ वटा घटना घरेलुहिंसाका दर्ता भएका छन् । जिल्ला प्रहरी कार्यालय सुर्खेतले विभिन्न विद्यालय,सडक तथा महिला र सरोकारवालाहरु लाई सामाजीक अपराध न्युनीकरण र सडक दुर्घटना सम्बन्धि प्रशिक्षण समेत दिंदै आएको छ । जिल्ला प्रहरी कार्यालय सुर्खेतमा आर्थिक वर्ष २०७४÷७५ मा दर्ता भएका विभिन्न मुद्धा १३ सय ७६ रहेकोमा १ हजार ४६ वटा मुद्धा फर्छयौट भएको र ३ सय ३० मुद्धा बांकी रहेका छन् । बांकी रहेका ३ सय ३० मुद्धा पनी बाहिर गएर मेलमिलाप गर्ने र मुद्धा दर्ता गरिसकेपछि सम्पर्कमा नआउनाले भएको कार्यालयले बताएको छ ।