खोज

रामग्राम नगरपालिका १० स्थित पेप्सी कम्पनीले उद्योगको रसायनयुतm फोहोर पानी बगाउदा स्थानियबासीले पालन गरेको माछा मरेका छन् । नगरपालिकासंग भाडामा लिई विगत पाँच बर्ष देखी स्थानिय घोलमा माछा पालन गर्दै आएकामा अहिले हालै स्थापना भएको पेप्सीले उतm घोलमा रसायनयुतm पानी बगाउन थाले पछि घोलमा पालन गरिएको माछासंगै वरिपरिका बालीनालीमा समेत असर पार्न थाले पछि स्थानिय आक्रोसित समेत बनेका हुन् ।
उद्योगको प्रदुषित पानी खोलामा बगाउने कार्य रोक्न माग गर्दै उनिहरुले उद्योग विरुद्ध प्रदर्शन समेत गरेका थिए । अहिले पेप्सी उद्योगबाट क्षतिपुर्ति भराउनका लागि स्थानिय किसानले नगरपालिकाको न्यायिक समितिमा उजुरी समेत दर्ता गराएका छन् । तर नगरपालिकाले उद्योग ब्यवस्थापन पक्षलाई नगरपालिकामा उपस्थित हुन पत्राचार गरे पछि उद्योग ब्यवस्थापन अटेरी गर्दै आएको छ । उद्योग स्थापना भए देखी स्थानियबासी र उद्योग ब्यवस्थापन बिच द्धन्द्ध हुदै आएको छ । जिल्ला प्रशासनको आडमा उद्योगले स्थानियबासी माथि मनपरी गर्दै आएको गुनासो स्थानिय किसान महेन्द्र चौधरीले बताए । शुरुमा नगरपालिकाले उद्योग सञ्चालन गर्न दिनुस समस्या आए हामीलाई भन्नुस भनेको थियो, चौधरीले भने, अहिले उद्योगको प्रदुषणले पालन गरेको माछा मरे,नगरपालिकालाई समेत उद्योग ब्यवस्थापनले टेरेको छैन् । उद्योगको मनपरी अब हामी सहने छैनौ, उनले चेतावनी दिदै भने, नगरपालिकाले क्षतिपुर्ति तिराउन सक्छ भने तिराउन पर्यो, होइन भने हामी उद्योग विरुद्ध आन्दोलनमा उत्रिने छौ ।
प्रशासनलाई हातमा लिएर उद्योगले कसरी उद्योग चलाउछ,त्यसबारे पनि हामी हेर्छौ । प्रशासनमा काम गर्ने प्रशासक कर्मचारी पनि जनताकै करबाट तलब भत्ता खाने अहिले आएर उद्योगको सुरक्षा पहिले गर्ने र स्थानिय किसानको समस्यालाई नहेर्ने ? अति भयो भन्ने स्थानिय प्रशासन विरुद्ध पनि जनता उत्रिन बाध्य हुने उनको चेतावनी थियो । चौधरीका अनुसार घोलमा दुई महिना पहिला १९ हजार समान्य फिगँर आकारको माछाका भुरा र २ किलोग्राम समान्य भुरा हालिएको थियो । माछा हुर्किदै गएका थिए । लाखौको माछा पेप्सीले बगाएको पानीका कारण मरेका छन् । करिब डेढ किलो मिटर लामो उतm घोलमा माछा पालन गरेर सयौ मान्छेले आयआर्जन तथा रोजगारी गर्दै आएका थिए । नगरपालिकाले घोलालाई ठेक्कामा लगाएर राजस्व समेत संकलन गर्दै आएको छ । तर राजस्व असुल्ने नगरपालिकाले अहिले किसानलाई न्याय दिलाउन नसकेकोमा उनले नैरास्यता प्रकट गरेका थिए ।
यता नगरपालिकाकी न्यायिक समितिका अध्यक्ष समेत रहेकी उपमेयर रम्भा कुवँरले आफुले किसानको समस्यालाई लिएर उद्योग ब्यवस्थापनलाई छलफलका लागि नगरपालिकामा बोलाएको तर उद्योग ब्यवस्थानले वेवास्ता गर्दै आएको सुनाईन् । उद्योगको यो गैरजिम्मेवारी कार्य हो, उनले भनिन्,उद्योगलाई समस्या पर्दा तुरन्त नगरपालिकामा आउने उद्योगका कर्मचारी अहिले उद्योगबाट जनता पिडित हुदा आउन मानेको छैन् । आएन भने आफुले पिडितपक्षलाई न्यायका लागि अदालतमा लेखी पठाउने जानकारी गराईन् । उद्योग सुरक्षाको जिम्मेवारी स्थानिय प्रशासनको हो,पछि उद्योग विरुद्ध स्थानियबासी उठे स्थानिय प्रशासनले जिम्मेवारी लिईनु पर्ने उनको भनाई थियो ।