खोज

ऐन कानुन बनाउने सम्मका अधिकार पाएको स्थानीय सरकार समक्ष नागरिककाले साना योजनालाई प्राथमिकता दिनु पर्ने माग गरेका छन । ठुला सडक, पुल पुलेसा र बृहत सिचाईका आयोजना भन्दा पनि टोल र गाँउस्तरका स्वास्थ्य, शिक्षा र साना सिचाईलाई प्राथमिकता दिन स्थानियको माग छ ।
नेपाल पत्रकार महासंघ कपिलवस्तु शाखाको समन्वयमा जिल्लाको यशोधरा गाँउपालिकाले गाँउपालिकाको वडा नम्बर ६ रमवापुरमा आयोजना गरेको सार्वजनिक सुनुवाईका सहभागीले सो माग राखेका हुन । “जिल्लाकै कृषी मन्त्री भए पनि मलखादको अभाव त भोगेका थियौ, तर यस बर्ष बर्षा पनि भएन र कुलोमा पानी पनि आएन ।” वडाबासी नन्द किशोर उपाध्यायले भने । आफुहरुलाई तत्काल ठुला योजना भन्दा कृषी उत्पादनका लागी सिचाईको प्रबन्धका लागी भएका नहर कुलोको व्यवस्थापन र केहि स्थानमा डिप टयुबेलको आवश्यकता रहेको उनले जनाए ।
सिचाईको असुबिधाका बिच सार्वजनिक पोखरी अतिक्रमण बढेको भन्दै स्थानिय मोहम्मद उमर मुसलमानले गुनासो गरे । गाँउपालिकाले योजनै बनाएर सार्वजनिक पोखरीको संरक्षण गरि सिचाईको प्रबन्ध मिलाउन सक्ने उनको सुझाव थियो । “सुत्केरी गराउने स्वास्थ्य केन्द्र टाढा छ । एम्बुलेन्सको व्यवस्था भए धेरै महिलाको ज्यान जोगिन्थ्यो ।” अर्की स्थानिय सर्वती पासीले भनिन । उनले स्वास्थ्य सेवा प्रवाहलाई स्तरोन्नती गर्ने कार्यमा लगानी गर्न गाँउपालिका सँग माग गरिन । गाँउपालिकाका अधिकाँस बिद्यालयमा भौतिक पुर्वाधार अभाव रहेकाले गाँउपालिकाकाले भौतिक पुर्वाधार बिकासका लागी बजेट बिनीयोजन गर्न आवश्यक रहेको स्थानिय शिक्षक रामअवतार पासीले सुझाव दिए । बिद्यालयका सहयोगी कर्मचारी र बालबिवासका कर्मचारीले न्युन तलबमा काम गर्दै आएको राष्ट्रिय जन जागृती आधारभुत प्राबिकी सहयोगी कर्मचारी नमकला गिरीले बताईन । सार्वजनिक सुनुवाईमा सहभागीले ठुला बिकास योजना भन्दा पनि पशु सेवा प्रभावकारी बनाउनु पर्ने, नाली र कुलो निर्माण र स्तरोन्नती गर्नु पर्ने, चुरे अतिक्रमणले धारा सुकेकाले पिउने पानीको व्यवस्थापन गर्नु पर्ने लगायतका सुझाव दिएका थिए ।
ग्रामिण तहमा ठुला बिकासका योजना भन्दा पनि तत्कालै समाधान हुने साना योजनाका माग बढि आउने गरेको गाँउपालिकाका सामाजिक बिकास अधिकृत देवेन्द्र कुमार पाण्डेय बताउछन । “नागरिकका माग सम्बोधन गर्न दिर्घकालिन बिकासका योजना सगै साना योजनालाई प्राथमिकतामा राखेका छौ ।” पाण्डेयले भने । ठुला र दिर्घकालिन योजनालाई मात्रै प्राथमिकता दिनु भन्दा नागरिकले आवश्यकता महसुुस गरेका साना आयोजनामा प्राथमिकता दिने सोचमा रहेको यशोधरा गाँउापकिला ६ का वडा अध्यक्ष श्याय नारायण उपाध्यायले बताए । “नागरिकले भौतिक पुर्वाधार निर्माणका दिर्घकालिन ठुला योजना भन्दा तत्कालै सम्बोधन हुन सक्ने स्वास्थ्य, शिक्षा र साना सिचाईलाई प्राथमिकतामा राखेकाले हामी सो बिषयमा गम्भिर छौ ।” उपाध्यायले भने । गाँउपालिकास्तरको सुनुवाईमा नागरिकले दिर्घकालिन बिकासका योजना भन्दा तत्कालिन योजनालाई बढि रुचाउने गरेको पत्रकार महासंघ ५ नम्बर प्रदेशका सदस्य मनोज कुमार श्रीवास्तवले बताउछन ।
नागरिकको माग सम्बोधन गर्दै गाँउपालिका प्रमुख गृजेश कुमार पाण्डेयले नागरिकको सुझाव अनुसारनै गाँउपालिकाले कार्य सम्पादन गरेको जवाफ दिए । सिचाईको प्रबन्ध मिालाउन प्रदेश सरकार सँग समन्वय गरिएको, जिल्ला समन्वय समितीबाट आउने बजेटलाई अधिकांस बिद्यालयमा लगाउने योजना गरिएको र एक महिला भित्रकै अबधीमा गाँउपालिकामा एम्बुलेन्स ल्याउने कार्य अगाडी बढाईएको प्रमुख पाण्डेयले जानकारी दिए । “शूरुका बर्ष नागरिकका आवश्यक बुझनमै लगाएका छौ । नागरिकका माग अनुरुप शिक्षा, स्वास्थ्य, सिचाई र भौतिक पुर्वाधारलाई प्राथमिकतामा राखेर बिकास कार्य अगाडी बढाउने योजनामा छौ ।” उनले थपे ।