खोज

मन्त्रालयले कामचलाउ बनाउने निर्णय गरेको एक कार्यालयलाई सेवानिबृत्त प्रमुखले कब्जा गरेका छन । कपिलवस्तु जिल्लामा रहेको खानेपानी तथा सरसफाई सब डिभिजन कार्यालय कपिलवस्तुमा सेवा निबृत्त प्रमुख कैलाश नायकले कार्यकक्ष कब्जा गरेको भेटिएको छ ।
हालै मन्त्रालयले बिभिन्न डिभिजन र सब डिभिजनलाई काम चलाउ बनाउदै २८ वटा डिभिजन मात्र राख्ने तयारी गरेको छ । तर असार २७ गते लोकसेवा आयोगमा प्रवेश गर्दा पेश गरेको नागरिकताका आधारमा मन्त्रालयबाट अनिवार्य अवकाश पाएका नायकले कार्यालयका निमित्त प्रमुख तोकिएका कौशल कुमार यादवलाई कार्यकक्षमा बस्न नदिई कार्यालय प्रमुखको कार्यकक्ष छाडेका छैनन् । चालु आर्थिक बर्षमा कार्यालयले सञ्चालन गरेका अधिकांस भौतिक पुर्वाधारका आयोजनाको सम्पन्नता पश्चात अन्तिम भुक्तानी दिदा पाउने कमिसन लिनकै लागी उनले कार्यकक्ष नछाडेको श्रोतको दाबी छ ।
“कतिपय कार्य सम्पन्नको कागजातलाई पुरानै मिति देखाएर भुक्तानी गर्ने कार्य समेत गरिएको छ । ” श्रोतले दाबी ग¥यो । नायकले गत २७ गते अनिवार्य अवकास पाए सगै कार्यालयका सब ईन्जिनियर यादवले निमित्त प्रमुखको जिम्मेबारी प्राप्त गरेका थिए । अवकास पाएका प्रमुख नायकले कार्यकक्षमा बस्न खोजे पछि कार्यालयका अन्य कर्मचारी सँग सामान्य बिवाद समेत भएको थियो । श्रोतको सुचनाको आधारमा टुडेकर्मी कार्यालयमा पुग्दा नायक कार्यालय प्रमुखको कार्यकक्षको कुर्सीमा भेटिए ।
आफुलाई समय नपुग्दै अनिवार्य अवकास दिई अन्याय गरिएको र आफुले सो बिषयमा सर्वोच्च अदालतमा रिट समेत हालेको नायकले जानकारी दिए । लोकसेवा आयोगमा पेश गरेको उनको नागरिकताका आधारमा असार २७ गते नै उनले अवकास पाएको र प्रतिलिपी नागरिकताको उमेरका आधारमा उनले भरेको सिटरोलको उमेरलाई आधार बनाउदा उनको कार्य अबधी थप १ बर्ष रहेको खुल्न आएको छ । सोही सिटरोलका आधारमा उनले सर्वोच्च अदालतमा निजामती किताबखाना ललितपुरलाई बिपक्षी बनाई उत्प्रेषण बिषयको रिट निवेदनको मुद्दा हालेका थिए । सो मुद्दामा ईजलासका न्यायाधिसहरु बिच रायबाझि फैसला भएको र उक्त मुद्दा (रिट) को आदेशको पुर्णपाठ तयार भए पश्चात नियमानुसारको सो मुद्दा सर्वोच्च अदालतको पुर्ण ईजलासमा पेश गरिने व्यहोराको जानकारी नायकलाई सर्वोच्चको मुद्दा तथा रिट महाशाखाले जानकारी गराएको छ । “मेरो अवकास भनिए पनि एउटा न्यायाधिस मेरो पक्षमा हुनु हुन्छ । न मैले जितेको छु, न हारेको नै छु । ” नायकले भने । मुद्दा बिचाराधिन अवस्थामा रहेकोमा आफु कार्यकक्षमा बस्न नहुने बिषय घुमाउरो पाराले स्विकादै आफु माथी अन्याय भएको उनले बताए । सेवानिबृत्त प्रमुख नायकको रिट बिचाराधिन अवस्थामा रहदाले उनले कार्यकक्षलाई कब्जा गरेको बिषयमा कार्यालयका कर्मचारी अन्योलमै देखिएका छन । निमित्त प्रमुख कौशल कुमार यादवले सेवा निबृत्त नायकको कार्यकक्षमा बस्ने कार्य जायज नभएको प्रतिक्रिया दिए । आफु नयाँ व्यक्ति भएको बताउदै सेवा निबृत्त प्रमुख कार्यकक्षमा बसे सगै आफुले पुरानै कार्यकक्षमा बसी कार्य सम्पादन गरेको यादवको भनाई छ ।