खोज

 जिल्ला बन कार्यालय कपिलवस्तुले विभिन्न क्षेत्रमा बन तथा वातावरण प्रर्बद्धन गर्नेहरुलाई पुरस्कृत गरेको छ । बार्षिक निति कार्यक्रम अनुसार कार्यालयले जिल्लाका सामुदायिक, साझेदारी र निजी बन तथा सम्र्बद्धनमा सहयोग गर्नेहरुलाई पुरस्कृत गरेको हो । कार्यालयले १ लाख राशीको निजी बन प्रोत्साहन पुरस्कार दोहनी तकिहजाका अखिलेश्वर श्रीवास्तवलाई दिएको छ । खेतीयोग्य जमिनमा शिचाई अभाव भएपछि ४ बर्ष अघि श्रीवास्तवले आफ्नो ३ विगहा पक्की जग्गामा मसला , सगुन, लहरेपिपल जातको रुख लगाउनुभएको थियो । यसै गरि बुद्धभूमी नगरपालिका १ का नारायण प्रसाद बन्जाडेलाई ८० हजार राशीको दोश्रो निजी बन प्रर्बद्धन पुरस्कार र ७० हजार राशीको तेश्रो पुरस्कार निजी बन धनी पंचम अहिरलाई प्रदान गरिएको छ ।
बन कार्यालयले पहिलोपटक बैज्ञानिक बन ब्यबस्थापन लागु भएका, चुरे संरक्षणमा उल्लेखनिय योगदान गरेका र आगलागी तथा बन डढेलो सहित अतिक्रमण व्यवस्थापन गरेका सामुदायिक बनहरुलाई समेत पुरस्कृत गरेको छ । बन डढेलो र अतिक्रमण व्यवस्थापन तर्फ सामुदायिक वनहरुमा पहिलो देउराली सामुदायिक वन बुद्धभुमि ३ भएको छ । दोस्रो जोडमहुवा सामुदायिक वन उपभोक्ता समिति र तेस्रो भृकुटी सामुदायिक वन, महेन्द्रकोट लाई पुरस्कृत गरिएको हो । पहिलो, दोस्रो र तेस्रो हुनेलाई क्रमशः नगद १६ हजार, १४ हजार, १० हजार रुपैयाँ र प्रमाणपत्र प्रदान गरिएको छ ।
यसै गरि बैज्ञानिक बन व्यवस्थापन लागू गरेका बन मध्ये बिरपुर जनकल्याण सामुदायिक बन पहिलो भएको छ । दोस्रो बैजलपुर र तेस्रो एकिकृत सुरही सामुदायिक बन भएको छ । पहिलो दोस्रो र तेस्रो हुनेलाई क्रमशः नगद १० हजार, ६ हजार, र ४ हजार रुपैयाँ र प्रमाणपत्र प्रदान गरिएको छ । चुरेतर्फ उत्कृष्ट बन तर्फ शिवमन्दिर प्रथम, कपिलमुनि दोस्रो र मधुवन तेस्रो भएका छन् । यसै गरि बन तथा बातावरण प्रर्बद्धनमा समुदायको भूमिका विषयक माध्यमिक बिद्यालय स्तरीय निबन्ध लेखन प्रतियोगितामा उत्कृष्टलाई समेत सम्मान गरिएको छ । प्रथम स्थान हासिल गर्ने नेपाल राष्टिय माबि रनगाईका सन्तोष बिश्वकर्मा, दोस्रो स्थान हासिल गर्ने सिद्यार्थ स्मारक माबिका साधना भुसाल र तेस्रो स्थान हासिल गर्ने आस्था घिमिरेलाई नगद र प्रमाणपत्रले सम्मान गरिएको हो ।