खोज

रोल्पाको एक विद्यालयले च्याउ तथा तरकारी खेती सुरु गरेको छ । उत्तरी रोल्पाको विर वलभद्र माध्यमिक विद्यालय थवाङले विद्यालयको आयश्रोत वृद्धी तथा शिक्षालाई प्रयोगात्मक वनाउन उक्त कार्यको थालनी गरेको हो ।
थप प्राविधिक शिक्षाको रुपमा संचालित वालि विज्ञानमा अध्ययन गर्ने विद्यार्थीहरुले प्रयोगात्मक कक्षाको रुपमा विद्यालयको जग्गाामा च्याउ र तरकारी खेती गरेको विद्यालयले जनाएको छ । च्याउ खेतीवाट दैनिक ५० किलो वढी च्याउ उत्पादन हुने गरेको वताइएको छ । च्याउको स्थानीय वजार मूल्य प्रतिकिलो १ सय ५० रुपैया रहेको विद्यालयले जनाएको छ ।
बजार सानो रहेकाले उत्पादीत च्याउ खपत हुन नसकेका कारण च्याउलाई सुकाएर पछिसम्म प्रयोग गर्न मिल्ने गरि व्यवस्था मिलाउन लागिएको विद्यालयका कृषि प्राविधिक शिक्षकहरुले जाकारी दिएका छन । उत्पादीत च्याउको दीगो वजारीकरण गर्न सके विद्यालयको राम्रो आय श्रोत हुन सक्ने स्थानीय उमेश मगरले प्रतिकृया दिए । च्याउ वजारीकरणका लागि स्थानीय वजारको अतिरिक्त वागमारा, घर्तीगाउँ र लिवाङमा समेत वजारको संभावना रहेको वताईन्छ । थवाङलाई अर्गानिक गाउँ घोषणाका लागि प्रमाणिकरणको काम भईरहेकोले विद्यालयले उत्पादन गरेको च्याउ तथा तरकारी पनि रसायनिक र विषादी मुक्त रहेको वताइएको छ ।
विद्यालयले च्याउ खेतीका अतिरिक्त वन्दा र किवि खेती समेत गरेको छ । वाइस हजार वन्दा र ३५ वोट किवि लगाएका छौ विद्यालय व्यवस्थापन समितिका अध्यक्ष अजय घर्तीले भने । वन्दा र किविवाट समेत राम्रो आमदानी हुनेमा आफु आशावादी रहेको घर्तीको भनाई छ । सवै खेती विद्यालयको जग्गामा लगाएको विद्यालयले जनाएको छ ।
शिक्षालाई प्रायोगात्मक एवम अभ्यासमुखी वनाउन विद्यालयले यस्तो कार्यको थालनी गरेको हो अध्यक्ष घर्तीमगरले भने । फिल्डमै गएर प्रयोगात्मक अभ्यास गर्नुको साटो कालो पार्टीमै विरुवा रोप्ने, कालो पाटीमै धान फलाउने शिक्षा पद्धती कारण विद्यार्थीहरुमा व्यवहारिक ज्ञानको कमी भएकाले शिक्षालाई वढी भन्दा वढी प्रयोगात्मक वनाउन यस्तो कार्यको थालनी गरेका हौ अध्यक्ष घर्तीले भने । विद्यार्थीको पढाई पनि प्रयोगात्मक हुने विद्यालयको आमदानीको श्रोत पनि वृद्धी हुने हुदा यस तर्फ जोड दिएका छौ अध्यक्ष घर्तीले भने । विद्यालयमा सिकेको ज्ञान सीपलाई घरको करेशावारीमा समेत प्रयोग गरिरहेको घर्तीले जानकारी दिए ।