खोज

बुटवल, २० चैत । बुटवल उपमहानगरपालिका वडा नं. २ मा स्थित फुलबारी खानेपानी तथा सरसफाई उपभोक्ता समितिको दोस्रो साधारण सभा तथा प्रथम अधिवेसनबाट निर्वाचित नया कार्यसमितिको पद स्थापन कार्यक्रम सम्पन्न भएको छ ।

मंगलबार एक समारोहका बिच प्रमुख निर्वाचन अधिकारी महेन्द्र थापाले नवनिर्वाचित अध्यक्ष हिक बहादुर दर्लामी, उपाध्यक्ष कमलादेबी नगरकोटी, सचिव चेतन ठाडामगर, सहसचिव प्रवेश बिक, कोषाध्यक्ष केशर बहादुर घर्तीमगर, सदस्यहरु शेर बहादुर थामीमगर, विष्णुमाया थापा, कमला राना, धनमाया नेपाली तथा लेखा समिति संयोजक बलराम काफले, सदस्यहरु गणेश बहादुर सारु र अर्चना पन्थीलाई पद स्थापना तथा गोपनियताको शपथ गराए ।

यसैगरि नवनिर्वाचित सचिव चेतन ठाडामगरलाई निर्वमान सचिव भुमिराम पन्थीले संस्थाको माईन्युड हस्तान्तरण गरे ।

कार्यक्रममा बुटवल उपमहानगरपालिका वडा नं. २ का वडाअध्यक्ष सुनिल शाक्य, वडा सदस्य गौतमलाल शाक्य, संस्थापक अध्यक्ष गंगादेवि घिमिरे, निर्वतमान अध्यक्ष सन्तोष श्रेष्ठ, निर्वाचन अधिकृत सुमन अधिकारीले संस्थालाई सबै सरोकारवाला मिलेर साथ र सहयोगका गर्दै अघि बढ्नुपर्ने सुझाव दिए । समितिमा ७ सय ६ जना सदस्यहरु रहेका छन ।