खोज

भैरहवामा रहेको कृषि तथा पशु बिज्ञान अध्ययन संस्थान (पक्लिहवा कृषि क्याम्पस)को गैर जिम्मेवार निर्णयको कारण बिद्यार्थीहरु मर्कामा परेका छन ।
क्याम्पस शुरु भएको पहिलो दिनमा नै क्याम्पस प्रशासनले सबै बिद्यार्थीहरुलाई क्याम्पस छोड्न उर्दि जारी गरेको छ । क्याम्पसको उर्दिको कारण बिद्यार्थीहरु मर्कामा त परेकै छैन उनिहरु असुरक्षित पनि उत्तिकै छन ।
कृषि तथा पशु बिज्ञान अध्ययन हुने शैक्षिक संस्था पक्लिहवा कृषि क्याम्पसमा नया शैक्षिक सत्र शुरु भए देखी नै बिद्यार्थी संगठनहरु बिच बिद्यार्थीहरुलाई आ– आफ्नो संगठनमा तान्न प्रतिष्प्रर्धा हुने गरेको छ । अनेरास्ववियु र नेपाल बिद्यार्थी संघ बिच नया बिद्यार्थीलाई आफ्नो संगठनमा प्रवेश गराउने क्रममा भएको सामान्य झडपलाई क्यम्पसले निहु बनाउदै सबै छात्रावासमा बस्ने सबै बिद्यार्थीलाई क्याम्पस छोड्न मंगलबार उर्दि जारी गरेको हो ।
पहिलो दिनको अभिमुखीकरण कक्षा लिएका बिद्यार्थीहरु एक्कासी साझ ६ बजे पछि क्याम्पसको सूचनाका कारण हत्प्रभ देखिन्थे । देशका बिभिन्न जिल्लाबाट अध्ययन गर्न आएका बिद्यार्थीहरु क्याम्पसको उर्दि पछि “अब कहा जाने ?” भन्दै चिन्तित देखिएका थिए । “बुवा त अहिले घर पनि पुग्नु भएको छैन होला, म कहा जाउ” बिद्यार्थी लक्ष्मी पाण्डेले चिन्ता देखाईन । दुई बिद्यार्थी संगठनका कारण आफुहरुको पढाई मात्र हैन जिउ ज्यान समेत खतरामा पुगेको बिद्यार्थीहरुको चिन्ता थियो । क्याम्पस प्रशासनले बिशेष गरि महिला बिद्यार्थीहरुको सुरक्षालाई ध्यानमा राख्नु पर्ने उनिहरुको भनाई थियो ।
पक्लिहवा क्याम्पसले दुई बिद्यार्थी संगठनको विवादका कारण देखाउदै अनिश्चित कालीन समयको लागी क्याम्पस सनडाई (बन्द)को सूचना प्रकाशित गरेको छ । क्याम्पसले स्थानिय प्रहरी प्रशासनको सहयोगमा क्याम्पस खाली गराएको थियो । क्याम्पस भरि बिद्यार्थीको सट्टा प्रहरी मात्र देखिन्थे । बिद्यार्थी संगठनहरुको झगडा र प्रशासनको गैर जिम्मेवार पूर्ण निर्णयका कारण मारमा परेका बिद्यार्थीहरुको सुरक्षाको लागी क्याम्स प्रशासन र बिद्यार्थी संगठनहरुले कुनै बैकल्पिक ब्यवस्था गरेको थिएन । बिद्यार्थी संगठनले क्याम्पस प्रशासनलाई र प्रशासनले संगठनलाई दोष दिदै आएका छन । अनेरास्ववियुका सचिव अनुप पौडेलले अझै पनि क्याम्पस सञ्चालनको लागी दबाव दिने बताए । बिद्यार्थीहरुको बैकल्पिक बसाईको बिषयमा उनले केही बोल्न सकेनन् ।
बिद्यार्थीहरुको साझा संगठन स्वतन्त्र बिद्यार्थी युनियनका सभापति रिकेश श्रेष्ठले बिशेष गरि टाढाका महिला बिद्यार्थीहरुलाई अन्य बिद्यार्थीहरु संगै रान्ने बताए ।
भैरहवाबाट करिब ३ किलोमिटर पर रहेको यो क्याम्पसमा राती हुनै लाग्दा महिला बिद्यार्थीहरुको बाहिर निस्किनु पर्यो । उनिहरुको अवश्था हेरेर न क्याम्पस प्रशासन आफ्नो दायित्व बोध भयो न बिद्यार्थी संगठनहरुलाई नै । राती राती भौतारि रहेको यी बिद्यार्थीहरुलाई केही भए यसको जिम्मेवारी कसले लिने भन्ने प्रश्नमा सबै मौन बसे । बिद्यार्थीहरुको अध्ययन गर्न पाउने अधिकार हनन् भयो नै उनिहरु असुरक्षित समेत भए । क्याम्पसका ९० प्रतिशत बिद्यार्थीहरुले क्याम्पस खुल्नु पर्छ, हाीले पढ्न पाउनु पर्छ भन्दा भन्दै आफुहरुको पढाई खोसिएको बिद्यार्थी अविनाश भट्टराईको गुनासो थियो ।
पक्लिहवा कृषि क्पायम्सका क्याम्पस प्रमुख डा. कन्हैया प्रसाद सिंहल बिद्यार्थीहरुको झगडालाई क्याम्पस प्रशासनले नियन्त्रणमा ल्यान नसक्दा क्याम्पस प्रहरी प्रशासनलाई सुम्पेको बताए । उनले बिद्यार्थीहरुलाई साझ ४ बजे सूचना जारी गरि ६ बजे भित्र क्यम्पस खाली गर्न आग्रह गरिएको बताए ।४ बर्षे कृषि र ५ बर्षे भेटेरेनरीको बिषयमा स्नातक तह सम्मको पढाई हुने यस क्याम्पसमा देशभरि बाट नै बिद्यार्थीहरु आउने गरेका छन । ५ सय बढी बिद्यार्थी रहेको यस क्याम्पसको छात्रावासमा १ सय ३० जना महिला बिद्यार्थी र १ सय ३० जना नै पुरुष बिद्यार्थी रहेको क्याम्पस प्रमुख सिंहले बताए ।