खोज

शंकर के सी
सल्यान, २६ असार ।
एक नम्बर प्रदेशका पर्यटकीय तथा धार्मिक क्षेत्रको प्रचारप्रसार गर्दै साइकल यात्रामा निक्लिएका एक युवा सल्यान आइपुगेका छन् ।
साईकल यात्रा बाटै नेपाल भ्रमणको सुरुवात गरेका प्रदेश नम्बर एक सुनसरी जिल्ला बराह क्षेत्र नगरपालीका वडा नम्बर ५ का ओम प्रकाश बानिया साइकल यात्रा बाटै बिभिन्न जिल्लाको भ्रमण गर्दै मंगलबार सल्यान आएका हुन् । ‘प्रदेश नम्बर १ को धार्मीक, पर्यटकीय क्षेत्रको प्रचार प्रसार, शान्ती समृद्धी र स्थायीत्व कायम गर्ने उदेश्यले मैले साईकल यात्रा सुरु गरेको हुँ,’ उनले सल्यान आएर भने ।
बानियाले २०७५ साल बैशाख १९ गते बाट साईकल यात्रा सुरु गरेको बताए । बिभिन्न जिल्लामा भ्रमण गर्दै ४१ औ जिल्लाको रुपमा सल्यान भ्रमण भएको उनको भनाइ छ । ६ महिनाको साइकल यात्राका निम्ति बानियाले २ लाख ७५ हजार निजि छुटेयाएका छन् । यस यात्राका निम्ति आफुले कतै बाट पनि अनुदान नलिएको बताएका छन् ।
सगरमाथा, बराहक्षेत्र, कोशी टप्पु आरक्ष, बुढासुब्बा, दन्तकाली, नमस्ते झरना ,धोजे डाडा, लगायतका पर्यटकिय तथा धार्मिक स्थलहरु आफ्नो प्रदेशमा रहेको उनले बताए । यिनिहरुलाई नेपालभरीनै परिचित गराउने र दशै तिहार पछि बिश्व साइकल यात्रा गरी बिश्वमा परिचित गराउने योजना रहेको बानियाले बताएका छन् ।
बानिया ६ बर्ष बैदेशिक रोजगारका निम्ति कतारमा कार्यरत रहेका थिए । जिबनमा पैसानै सबैथोक नभएकाले नगर र १ नं प्रदेशको पहिचानको निम्ति आफु सदैेब लागी पर्ने बताएका छन् ।
बिश्व साईकल यात्री पुस्कर शाहको प्रेरणा बाट साईकल यात्रा गर्नुपर्छ भन्ने सोच जागेर आफुले पनि साईकल यात्री भएर हिडेको बानियाले बताए । उहाँले साईकल बाटै नेपाल भ्रमण गर्ने क्रममा मकवानपुर जिल्लाको हेटौडा उपमहानगरपालीकामा बैशाख २७ गते प्रबेश गरेको जनाए । ‘६ महिनाको प्याकेज बनाएर यो साईकल यात्रा सुरु गरेको छु’ बानीयाले भने, ‘अहिले सम्म सल्यान जिल्ला सहित ४१ वटा जिल्लामा पुगीसकेको छु । अब बाकी ३६ जिल्ला बाकी रहेका छन् ।’ बिभिन्न जिल्लामा पुगरे भ्रमणको प्रमाणपत्र पनि बनाउने गरेको बाँनीयाले बताए ।
जिल्लामा पुगेर बिभिन्न जिल्ला युबा समितीको कार्यलय, सरकारी कार्यलयका प्रमुख, बुद्धिजिबी, युबाहरु सँग भेट गरेर छलफल गरिरहेको जानकारि गराए । आफ्नो पहिचान बनाउनको लागी पनि यसरी साईकलमा यात्रा गरीरहेको उनले बताए । आउदो असोज सम्म सवै जिल्लामा साईकल यात्रा गरिसक्ने उनको योजना रहेको छ ।