खोज

शुद्धोधन गाउँपालिकाले सबै वडामा रहेका विद्यालयमा बहुभाषिक शिक्षा लागू गर्ने भएको छ । बहु धार्मिक बहु सांस्कृतिक विविधता रहेको गाउँपालिकामा मातृभाषामा शिक्षा प्रदान गर्ने निर्णय गरिएको छ । गाउँपालिका अध्यक्ष निसार अहमद खाँले ६ वटा वडामा रहेका मदरसा, प्रावि तथा अंग्रेजी पठनपाठन गर्ने विद्यालयहरुमा बजेट दिइने बताए । गाउँपालिकामा रहेका थारु, मुस्लिम, मधेशी समुदायका बालबालिकालाई मातृ भाषामा शिक्षा प्रदान गर्नका लागि र शिक्षामा गरि ५६ लाख रकम विनियोजन गरिएको छ । आ.ब. २०७५÷०७६को बार्षिक निति तथा कार्यक्रममा बहुभाषिक शिक्षालाई गाउँपालिकाले बजेट दिएको हो ।
शुद्धोधन गाउँपालिकामा १२ वटा प्रा.वि. र ७ वटा मदरसा छन् । गाउँपालिकाले त्यहा अध्ययनरत बालबालिकाहरुलाई मातृभाषामा शिक्षा प्रदान गर्नका लागि आवश्यक पाठ्यपुस्तक, शिक्षकको व्यवस्थापनका लागि समेत बजेट उप्लब्ध गराउने निति लिएको प्रमुख प्रशासकिय अधिकृत प्रेम प्रसाद पोख्रेल बताउछन् । “हामीले अहिले गाउँपालिकाको समग्र्र शिक्षाको विकासलाई प्राथमिकतामा राखेका छौ” उनले भने । गाउपालिकालाई यसै बर्ष पूर्ण भर्ना गाउपालिकाको रुपमा घोषणा गरिने, बालमैत्री शिक्षा गुरुयोजना तयार गरि लागु गरिने, बालमैत्री गाउँपालिका घोषणा गर्न आवश्यक पूर्वाधार तथा सुचकहरु पुरा गर्दै जाने लगायतका कार्यक्रमहरु प्रस्तुत गरिएको छ । मदरसामा अध्ययनरत मुस्लिम समुदायका बालबालिका तथा सामुदायिक विद्यालयमा नेपाली पाठ्यक्रम अध्ययनरत अवधी भाषी बालबालिकालाई मातृ भाषामा अध्ययन गर्दा सहज हुने र बालबालिकाको शिक्षाको जग बलियो हुने भएकाले मातृ तथा बहुभाषिक शिक्षाको निति लिइएको गाउँपालिका उपाध्यक्ष सुधादेवी पाण्डेको भनाई छ ।
यसै बिच शुद्धोधन गाउपालिकाको निती, कार्यक्रम तथा बजेट पारित गर्दै तेस्रो गाउसभा सम्पन्न भएको गरेको छ । “बिकसित र समृद्ध शुद्धोधन, सुखी र खुसी हरेक जन” भन्ने मुख्य नाराका साथ आगामी आर्थिक वर्ष २०७५÷०७६ को लागि कुल रु. ४० करोड ३८ लाख ९५ हजार रुपैयाँ बजेट पेश गरिएको छ ।
गाउपालिकाले आर्थिक बर्ष २०७५÷०७६ का लागि अनुमानित आयतर्फ संघीय र प्रदेश सरकारबाट प्राप्त वित्तीय समानीकरण अनुदान रु. १३ करोड ६१ लाख ७५ हजार, राजश्व बाँडफाँडबाट प्राप्त हुने बजेट रु. ८ करोड ७८ लाख २० हजार, र अन्य शसर्त अनुदानमा रु. १० करोड ४९ लाख , गाँउपालिकाको आन्तरिक आम्दानी तर्फ रु. ५० लाख, सामाजिक सुरक्षा कार्यक्तम तर्फ रु ५ करोड ५० लाख समेत गरी ४० करोड ३८ लाख ९५ हजार रुपैयाँको बजेट प्रस्ताव गरिएको छ । उक्त रकम मध्ये चालु तथा साधारण खर्चतर्फ रु. ७ करोड ९० लाख, पुंजीगत एवं बिकास बजेट तर्फ १६ करोड ४९ लाख ९५ हजार, सशर्त अनुदान चालुतर्फ १५ करोड ९९ लाख बिनियोजन गरिएको छ । अध्यक्ष निसार अहमद खाँ ले नीति तथा कार्यक्रममा राजस्व परिचालन तथा श्रोत अभिवृद्धि, आर्थिक बिकास, सामाजिक बिकास, पुर्वाधार बिकास, बन बातावरण तथा बिपद ब्यबस्थापन, सेवा प्रवाह, र सुशासन तथा संस्थागत बिकास गर्न कार्य अघि बढाउन जोड दिएका छन् । गाउपालिका भित्र आ.ब.०७५÷७६देखि मालपोत तथा भुमिकर हटाई एकिकृत सम्पत्ति कर लागु गरिने भएको छ ।