खोज

प्रदेश नम्बर ५ की भूमि व्यवस्था कृषि तथा सहकारी मन्त्री आरती पौडेलले अबको ५ बर्षमा उत्पादनलाई दोब्बर बढाउने गरी मन्त्रालयले योजना अगाडि बढाएको बताएकी छिन् । उनले किसानहरूलाई निर्वाहमुखि कृषिबाट व्यवसायीक बनाउने योजना मन्त्रालयले बनाएर अगाडी बढेको जानकारी दिँदै सोही अनुसारको विकास गरी अवको पाँच बर्षमा कृषिजन्य उत्पादन दोब्बर हुने बताएकी हुन् ।
लुम्बिनी मल्टीप्रपोज एग्रिकल्चर डेभलपमेन्ट प्रालिको बुटवलमा सुभारम्भ गर्दै कृषि मन्त्री पौडेलले प्रदेश सरकार नीजि क्षेत्र संग हातेमालो गर्न तयार भएको जानकारी दिदै यसको लागि विचौलिया भन्दा पनि किसानलाई उत्पादनको उचित मूल्य दिनुपर्ने र सोही अनुसारको धेरै नाफा नखाएर कृषिजन्य सामग्रीहरू उत्पादन विक्रि वितरण गर्नुपर्ने धारणा राखिन् । उनले प्रविधिमा सुधार गरी किसानलाई आत्मर्भिर बनाउन प्रदेश सरकारले कोठामुखि तालिम गोष्ठीलाई परिर्वतन गरी किसानहरूको अपेक्षा अनुसार सम्बन्धीत थलोमा नै प्रयोगात्मक रूपमा कृषिजन्य तालिम आयोजना गर्न लागिएको जानकारी दिईन् । मन्त्री पौडेलले भनिन्–‘प्रविधिमा सुधार गरी प्रदेशको कृषि लगायतका अन्य विकासको अवधारणा अगाडी बढाएका छौ ।’ रसायनीक मलको विकल्पमा जैविक मल प्रयो गर्ने सरकारको योजना अनुसार रोल्पा र रुकुम जिल्ला बाट जैविक जिल्ला (अर्गानिक) को रूपमा पहिचान बनाउनको लागि प्रस्ताव समेत आइसकेको मन्त्री पौडेलको भनाई रहेको थियो ।
किसानलाई ज्ञान, सिप र धारणाको विकासमा प्रविधिको मुख्य भुमिका रहेको भन्दै मन्त्री पौडेलले विचौलिया मोटाउने दिन अव गएको बताएकी हुन । उत्पादन र उत्पादकत्व वृद्धिमा सरकारको ध्यान गएको मन्त्री पौडेलको भनाई रहेको छ ।
यस्तै कार्यक्रममा ईन्टेन्सीप मल्टी प्रपोज एग्रीकल्चर डेभलमेन्ट कम्पनी प्रालि अन्नपुर्ण किसान फिड एण्ड फर्टिलाईजर विराटनकार बरिष्ठ कृषि बैज्ञानिक डा. गोविन्द पोखरेलले नेपाली जमिनमा रहेको माटो विस्तारै उत्पादकत्व कमी हुँदै जाँदा यसको आयु समप्त हुदै गएको बताए । उनले यसको लागि अवको अन्तीम विकल्प भएको जैविक मल, विषादीको प्रयोग गरी अर्गानिक उत्पादनमा जोड दिएका थिए । हरेका १० किलोमिटर क्षेत्रफलमा हावापानीको प्रवलता फरक फरक भएको नेपालको हावापानी रहेको मा त्यसमा ठोस ध्यान जान नसकेकको कारण नेपालको कृषि क्षेत्रमा आशाति विकास नभएको उनले बताए ।
कार्यक्रममा बोल्दै लुम्बिनी मल्टी प्रपोज एग्रीकल्चर डेभलपमेन्ट प्रालिका अध्यक्ष कृष्ण प्रसाद पोखरेलले यस क्षेत्रमा अर्गानिक मल, राईबोजिम, आर्गानिक विषादी, लगायत अन्य विभिन्न अर्गानि उत्पादन ईन्टेन्सिभ मल्टीप्रर्पोज एग्रीकल्चर डेभलमेन्ट प्रालि काठमाण्डौको सहकार्यमा प्रदेश ५ का सबै जिल्लाहरूमा विक्रि वितरण गर्ने योजना बनाएको जानकारी दिए ।
कार्यक्रममा प्रदेश सभा सदस्य तुल बहादुर घर्ती (बसन्त), अर्का प्रदेश सभा सदस्य कुल प्रसाद पोखरेल, लुम्बिनी मल्टी प्रपोज एग्रीकल्चर डेभलपमेन्ट प्रालिका सञ्चालक रघुपती चुदादी, बुटवल वडा नम्बर ९ का वडाध्यक्ष विष्णु बहादुर थापा लगायतले बोलेका थिए ।