खोज

भूमि व्यवस्था, कृषि तथा सहकारी मन्त्रि आरती पौडेलले सहकारीलाई उत्पादनमा जोड्न आवश्यक रहेको बताएकी छन् । सहकारी आर्थिक अभियानको एउटा महŒवपूर्ण पाटो रहेको बताउँदै सहकारीलाई आर्थिक संवृद्धिको वाहकको रूपमा लिनु पर्ने मन्त्रि पौडेलको भनाई छ ।
बुटवल उपमहानगरपालिका ६ नेपालगंज रोड स्थित आवाज बचत तथा ऋण सहकारी संस्था लिको नवौ वार्षिक साधारणसभा तथा चौथो अधिवेशनको सनिवार बुटवलमा उद्घाटन गर्दे मन्त्री पौडेलले सहकारीको विकासमा प्रदेश सरकारले प्राथमिकतामा राखेर निति कार्यक्रम गरेको बताईन । उनले सहकारी मार्फत कृषीको आधुनिकीकरण तथा व्यवसायीकरण गर्न सम्भव रहेको बताउदै त्यस तर्फ सहकारीले ध्यान दिनु पर्ने बताइन ।
त्यसैगरी प्रदेश सांसद चेतनारायण आचार्यले सहकारीहरू बचत तथा ऋण परिचालनमा मात्र सिमित नभएर सहकार्य गरी आर्थिक संवृद्धिको वाटोमा काम गर्न सुझाव दिए ।
कार्यक्रममा जिल्ला सहकारी डिभिजन कार्यालय रूपन्देहीका पुर्व प्रमुख नेत्र प्रसाद घिमिरे, सगरमाथा वचत तथा ऋण सहकारी संस्थाका संस्थापक अध्यक्ष टेक वहादुर थापा, निर्वाचन समितिका संयोजक केशव चौधरी निर्वाचन अधिकृत खुवीराम आचार्य, मनिराम कडेल, संस्थापक अध्यक्ष तुल्सी प्रसाद आचार्य सचिव वालकृष्ण पाण्डे, अच्युत पन्त लगायतले मन्तव्य ब्यक्त गरेका थिए । वार्षिक प्रतिवेदन प्रस्तुत गर्दे संस्थाका अध्यक्ष बावुराम बन्जाडेले रूपन्देही जिल्ला भरी कार्यक्षेत्र रहेको आवास साकोसलाई प्रदेशकै नमुना सहकारीको रूपमा विकास गर्ने गरी काम गरिरहेको बताए ।
सो अवसरमा उत्कृष्ट सहकारी पत्रकारिता पुरस्कारबाट पत्रकार डि आर वन्जाडे, संस्थापक अध्यक्ष तुल्सी प्रसाद आचार्य, सहकारीको प्रकाशन आवाज ज्ञानमालाका सम्पादक रुद्रलाल कुंवर,उत्कृष्ट बचतकर्ता श्यामलाल पाण्डे, उत्कृष्ट ऋणाी सिता राना, उत्कृष्ट शेयर सदस्यहरू विष्णु प्रसाद नेपाल, लिलावल्लभ पाण्डे, उत्कृष्ट कर्मचारी मनोज खड्का लगायतलाई सम्मान गरिएको थियो । अधिवेशनले पुन वाबुराम वन्जाडेको अध्यक्षतामा ११ सदस्यीय संचालक समिति निर्वाचित गरेको छ । त्यसैगरी दलबहादुर रानाको संयोजकत्वमा ३ सदस्यीय लेखा समिति निर्विरोध निर्वाचित भएका छन् । २०६६ सालमा स्थापना भएको उक्त सहकारीमा ५ सय १० जना शेयर सदस्य रहेका छन् । संस्थाले ५ लाख भन्दा वढि निक्षेप संकलन गरी ६ करोड कर्जा लगानी गरेको छ कुल शेयर रकम १ करोड ८६ लाख भन्दा वढि रहेको छ ।