खोज

चाडपर्व नजिकिँदै गर्दा स्थानीय निकाय र जिल्ला प्रशासन कार्यालय दाङले बजार अनुगमनको कामलाई तिब्रता दिएका छन् ।  उनीहरूले खाद्य बस्तुको नियमन गर्ने निकायको अनुपस्थितिमा बजार अनुगमनको काम अगाडि बढाउँदा प्राबिधिक रूपमा समस्या समेत परेको बताएका छन् ।
खाद्य तथा गुण नियन्त्रण कार्यालय नेपालगन्जले आवश्यक पर्ने प्राबिधिक नपठाउँदा केही प्राबिधिक समस्या खेप्नुपरेको सहायक प्रमुख जिल्ला अधिकारी गणेश आचार्यले जानकारी दिएका छन् ।
उनका अनुसार अनुगमनको टोलिले म्याद गुज्रिएका दैनिक उपभोग्य बस्तुहरू, सुर्तीजन्य पदार्थ र मदिराको अनुमति छ छैन त्यसैगरि उप महानगरपालिका, घरेलु र अनिवार्य रूपमा उद्योग बाणिज्य संघमा दर्ता भएको हुनुपर्ने बिषयमा मात्रै अनुगमन केन्द्रित रहेको प्रतिकृया दिए । अनुगमनका क्रममा अनुमतिबिना खुल्ला रूपमा मदिरा र सुर्तीजन्य पदार्थ बिक्री वितरण गरेका पसलहरूबाट सामानहरू आवश्यक छानबिनका लागि स्थानीय निकायहरूको कार्यालयमा पठाइएको छ । विगत केही दिन अघिदेखि दाङका स्थानीय तहहरूले जिल्ला प्रशासन कार्यालय, जिल्ला प्रहरी कार्यालय, दाङ जिल्ला उद्योग वाणिज्य संघको समन्वयमा बजार अनुगमन गरीरहेका छन् । यता घोराही उप महानगरपालिकाले आफ्नो क्षेत्र भित्रका बजारहरूको अनुगमन गरेको छ । बजार अनुगमनमा गएको टोलीले नगरपालिकाको कार्यालयमा पसल दर्ता भए नभएको हेर्ने गरेको थियो । म्याद गुज्रीएका सामानहरू जफत गर्ने तथा मानव स्वास्थ्यमा प्रतिकूल असर गर्ने सामानहरू जफत गर्नुभन्दा पनि पसल दर्ता नै अनुगमन टोलीको प्राथमिकतामा पर्ने गरेको अनुगमन टोलीले जनाएको छ ।उता बजार अनुगमन कार्यक्रमलाई निरन्तरता दिँदै शुक्रबार तुलसीपुर उप महानगरपालिकाको समन्वयमा सुक्रवार बजार अनुगमन गरिएको छ । उपभोक्ता हकहित संरक्षण शाखा प्रमुख नारायण प्रसाद रेग्मीको नेतृत्वमा स्थानीय सुरक्षा अधिकारी, सहायक प्रमुख जिल्ला अधिकारी गणेश प्रसाद आचार्य, तुलसीपुर उद्योग बाणिज्य सघं, ईलाका प्रहरी कार्यालय, उपभोक्ता हकहित सरक्षण मन्च दाङ, स्थानीय पत्रकार लगाएको सहभागीतामा बजार अनुगमन गरिएको थियो ।
सो अबसरमा अधिकांश साना तथा ठूला पसलहरूबा म्याद गुज्रिएका सामानहरू जफत गरिएको छ भने होटलहरूबाट घरपालुवा मदिरा समेत फेला परेको थियोे । सो अबसरमा ब्यबसायी तथा उद्योगहरूलाई तत्काल सम्बन्धित उद्योग बाणिज्य संघ, घरेलु, कर तथा उप महानगरपालिकाको कार्यालयमा दर्ता गर्न समेत तीन दिनको अल्टिमेटम दिइएको छ । बजार अनुगमनका क्रममा उपभोक्ता हकहित मञ्चका अध्यक्ष केशबकुमार पोख्रेलले चाडपर्वमा मात्रै गरिने अनुगमनले खासै प्रभाब नपर्ने बताएका छन् । उनका अनुसार पसलमा मुल्यसुची अनिवार्य रूपमा राख्नुपर्ने, नियमितरूपमा बजारको अनुगमन हुनुपर्नेमा जोड दिए ।
घोराही तथा तुलसीपुर उप महानगरपालीकाको बजार अनुगमन आफ्नो आम्दानीको स्रोत बढाउनमै केन्द्रीत रहेको देखीएको छ । चाडवाडको समयमा हुने बजार अनुगमन पनि आफ्नो स्वार्थमा केन्द्रीत रहदा उपभोक्ताहरू भने निरास बन्न थालेका छन्