© २०२३
७ मंसिर २०८१, शुक्रबार
७ मंसिर २०८१, शुक्रबार
बुटवल,२० पुस । नेपाल राष्ट्र बैंकले चालू पुँजी कर्जा सम्बन्धी मार्गदर्शनमा संशोधन गरेको छ ।
बुधबार अर्थमन्त्री विष्णु पौडेल र प्रधानमन्त्री प्रचण्डसँगको भेटपछि गर्भनर महाप्रसाद अधिकारीले मार्गदर्शन संशोधन गरेका हुन् । जसअनुसार केन्द्रीय बैंकले मार्गदर्शनमा भएको चालु सम्पत्ति र वार्षिक कारोबारको आधारमा मात्रै चालु पूँजी कर्जा पाइने व्यवस्थालाई तत्काल कार्यान्वयन नगर्ने भएको हो ।
कात्तिक १ गतेदेखि लागू भएको चालू पुँजी कर्जा सम्बन्धी मार्गदर्शनमा राष्ट्र बैंकले संशोधन गरेको हो । उक्त मार्गदर्शन कार्यान्वयमा आए लगत्तै निजी क्षेत्रले यसलाई २ वर्ष कार्यान्वयन नगर्न दबाब दिँदै आएका थिए ।
राष्ट्र बैंकले उक्त मार्गदर्शन लागू गरेपछि निजी क्षेत्रले विरोध नै गरेको थियो । पछिल्लो समय नेपाल राष्ट्र बैंकले निजी क्षेत्रका उद्योगी तथा व्यवसायी, बैंकिङ क्षेत्रसँग छलफल गरेर संशोधन गरेको छ ।
चालुपूँजी मार्गदर्शनले दिएको सीमा भन्दा बढी ऋण चलाउने व्यवसायीलाई सीमा भित्र ल्याउन २ वर्षको समय दिनेगरी मार्गदर्शन संशोधन भएको हो ।
नेपाल राष्ट्र बैंकले लामो गृहकार्यपछि ७ भदौ २०७९ चालुपूँजी कर्जा सम्बन्धी मार्गदर्शनको २०७९ जारी गरेको थियो ।
© २०२३
सर्वाधिकार सुरक्षित
Design & Developed By:
