खोज

कपिलवस्तु प्रहरीले बिगत ३० बर्ष देखि जबरजस्ती करणी गरि फरार रहेका एक अभियुक्तलाई पक्राउ गरेको छ । बिशेष सूचनाका आधारमा जिल्ला प्रहरी कार्यालय कपिलवस्तुबाट खटिएको सादा पोशाकको प्रहरी टोलीले कपिलवस्तु नगरपालिका–४ गोपालपुरका राम प्रसाद धोबीलाई नियन्त्रणमा लिएको हो ।
उनलाई कपिलवस्तु जिल्ला अदालतले बि.सं. २०४५ मा जबरजस्ती करणी गरेको अभियोगमा ३ बर्ष कैद सजाय तोकेको थियो । पक्राउ धोबीलाई कारागार चलान गरिएको जिल्ला प्रहरी कार्यालय कपिलवस्तुका प्रवक्ता प्रहरी निरिक्षक गोबिन्द रावलले जानकारी दिए ।
प्रहरीले यस बर्षको जेठ यता कर्तव्य ज्यानका ६, जबरजस्ती करणीका २, करणी उधोग, गर्भपतन, सवारी ज्यान, ठगी, ज्यान मार्ने उधोग र आगलागीका १/१ गरि १५ जना फरार प्रतिबादी पक्राउ गरेको प्रहरी उपरिक्षक मनोज कुमार यादवले जानकारी दिए ।

दाईजो नल्याएको भन्दै यातना
बिन्दु कुमार चौहान
लुम्बिनी, १२ असोज ।
सामाजिक अपराध दाईजो प्रथा बिरुद्ध राज्यले कडा कानून जारी गरिरहेको बेला रूपन्देहीमा दाईजो नल्याएको भन्दै एक महिला माथि चरम यातना दिइएको छ । ईलाका प्रहरी कार्यालय लुम्बिनीले दिएको जानकारी अनुसार दाईजो नल्याएको निहुँमा लुम्बिनी साँस्कृतिक नगरपालिका वडा ७ भैसहिया निवासी २३ बर्षीया अमरावती तेलीलाई उनका श्रीमान, सासु र ससुराले तातो फलामको रड प्रयोग गरि सामूहिक रूपमा शरीरको संबेदनशील अंगमा पोलेर गम्भीर घाईते बनाएका छन् ।
पीडित पक्षले दिएको किटानी उजुरीको आधारमा प्रहरी घटना स्थलमा पुगि गम्भीर घाईते यादवलाई मेडिकल कालेज भैरहवामा उपचार गराउनुका साथै निजको श्रीमान २४ बर्षीय गोबिन्दतेली, ससुरा ६५ बर्षीय मेघातेली र सासु समेतलाई बिबाह सम्बन्धी कसूरको दफा १७४ बमोजिम कारबाही प्रक्रिया अघि बढाइएको प्रहरीले जनाएको छ । एक बर्ष अघि बैबाहिक बन्धनमा बाँधिएपछि दाईजो बिषयलाई लिएर दिनदिनै भनाभन ती दम्पती बीच हँुदै गर्दा घटना नै निम्ताएपछि कुरा बाहिर आएको ईप्रका लुम्बिनीका प्रहरी निरीक्षक शंकर पोखरेलले बताए ।