खोज

घोराही उप महानगरपालिकाले फोहरमैला व्यवस्थापन कार्यविधि जारी गरेको छ । यो कार्यबिधिले नगरलाई सुन्दर र हरियाली नगरका रूपमा विकास गर्न सहज पुग्ने उप महानगरपालिकाले अपेक्षा गरेको छ । गल्ने तथा नगल्ने फोहर छुट्टाउन लगाई बिहानको समयमा बजार क्षेत्रबाट प्रत्येक दिन फोहर उठाउने गरेपनि विभिन्न व्यक्तिहरूले अटेरी गर्ने गरेका कारण कार्यविधि आवश्यक परेको उप महानगरपालिकाले जनाएको छ ।
जथाभावी फोहर फाल्ने तथा अटेरी गर्नेलाई लक्षीत गरि कार्यबिधी तयार गरिएको घोराही उप महानगरपालिकाका मेयर नरुलाल चौधरीले जानकारी दिए । कार्यबिधी पालना नगर्नेलाई तीन हजार देखि एक लाख सम्मको जरिवाना तथा तीन महिना सम्म कैद हुनेसम्मका सजाय रहेको उप महानगरपालिकाले जनाएको छ । भर्खरै तयार पारीएको कार्यबिधी अनुसार तोकिएको समय र स्थान बाहेय अनेत्र फोहर गर्नेलाई पहिलो पटक तीन हजार, दोस्रो पटक भए कसुर अनुसार ७ हजार र तेस्रो पटक भन्दा बढी नियम उलंघन गर्नेलाई १० हजार रूपैयाँ सम्म जरिवान गर्ने उल्लेख छ । त्यसैगरी फोहर व्यवस्थापन गर्न राखीएका कन्टेनर तोडफोड गर्नेलाई १५ हजार देखि ५० हजार रूपैयँ जरिवाना गर्ने गरी कार्यविधि तयार पारीएको छ ।
कार्यविधिको अभावमा तोकिएको स्थानमा भन्दा अन्यत्र फोहर फाल्नेहरूको पहिचान भएपनि घोराही उप महानगरपालीकाले कार्वाही गर्न सकेको थिएन । घोराही उप महानगरपालीकाको प्रवेशद्वार कुईरेपानी क्षेत्रमा सडक किनारामा सिसाजन्य फोहर फाल्दै आएका व्यवसायीको पहिचान भएपनि घोराही उप महानगरपालीकाले कार्वाही नगरेको एक कार्यपालीका सदस्यले जानकारी दिए । कार्वाही गर्नुको साटो उप महानगरपालीकाका जनप्रतिनिधिहरू आफै गएर फोहरलाई ठेगान लगाएका थिए । अहिले उक्त क्षेत्रमा फोहर निशेधित क्षेत्र लेखिएको वोर्ड झुण्डाईएको छ । अहिले तयार भएको कार्यविधिलाई अक्षरस पालना गराउन सक्ने हो भने घोराही उप महानगरपालीका सफा वन्नेमा दुईमत नै छैन । घोराही उप महानगरपालीकाको वार्ड नं १४ लाई नमुना बनाउन लागिपरेका वडा अध्यक्ष शक्तिराम डाँगीका अनुसार उपमहानगरलाई सफा राख्न बसपार्क टोल उदाहरणको रूपमा रहेको छ । “घोराहीलाई सफा र सुन्दर बनाउने जिम्मा हामी नगरवासीको नै हो त्यसैले सवै सचेत हुनु जरुरी छ” घोराही १४ का अध्यक्ष डाँगीले भने ।
यस अघि घोराही उप महानगरपालीकाले फोहर प्लाष्टिक जलाउदा हुने वातावरणीय असरलाई मुल्याङकन गर्दै उप महानगरपालीकाले प्लाष्टिक जलाउन रोक लगाएको थियो । घोराही उप महानगरपालीका १४ ले फोहर प्लाष्टिक जलाउदै गरेका दुई जना ब्यवसायीलाई चेतावनी स्वरूप कार्वाही समेत गरेको थियो । घोराही वजारको मासु बजारमा प्लाष्टिकका फोहोर जलाउदै गरेको भेटाएपछि वडा नम्बर १४ ले २ जनालाई कार्वाही गरेको हो । फोहोर मैला व्यवस्थापन कार्यबिधी २०७४ बमोजिम अनाधिकृतरूपमा फोहोर जलाएको भन्दै महम्मद राजु र मोहमद नसिमलाई वार्ड नं १४ ले कार्वाही गरेको हो । राजुलाई बजारमा फोहोर नगर्न आग्रह गर्दै सचेतना जगाउन लगाएको हो भने नसिमलाई ५ सय रूपैयाँ जरिवाना गरिएको वडा अध्यक्ष शक्तिराम डाँगीले जानकारी दिए ।