खोज

बुटवल उपमहानगरपालिकाले एक बर्षमा कृषि तथा पशु क्षेत्रमा विभिन्न कार्यहरू गरेको छ । मंगलबार सार्वजनिक गरेको प्रगति प्रतिवेदनमा आधुनिक बधशाला सञ्चालनका लागि बधशाला क्षेत्रको वाउन्ड्री गर्ने, लोडिङ्ग अनलोडिङ्ग प्लेटर्फम निर्माण गर्ने तथा गेट र चेक पोष्ट निर्माण गर्ने काम सम्पन्न भएको जनाएको छ ।  बुटवल उपमहानगरपालिकाका प्रमुख शिवराज सुवेदीका अनुसार अतिरिक्त सार्वजनिक निजि साझेदारीमा उपभोक्ता समिति मार्फत उपकरण सप्लाई र पशु विश्राम स्थल निर्माण गर्ने काम अगाडी बढेको छ । केन्द्र सरकारको सहकार्यमा सेमलारमा आधुनिक कृषि उपज केन्द्र निर्माणका लागि सम्भाव्यता अध्ययन र स्थानिय तहबाट जग्गा यकिन गर्ने काम सम्पन्न भएको छ भने व्यवसायिक वाली विकास कार्यक्रम, आलु तथा तरकारी विकास कार्यक्रम, मौरी विकास कार्यक्रम, कौसीखेती तथा तरकारी खेती प्रवद्र्धन कार्यक्रम जस्ता अभियानहरू सञ्चालन गरी नगरका विभिन्न व्यवसायिक कृषक, समूह र सहकारीलाई तालिम प्रदान गर्ने तथा ग्रिन हाउस, सेड तथा टहरा निर्माण, तरकारीको मिनिकिट, मौरी घार तथा उत्पादन सामग्री, बिउ–बिजन, मल, माटो परिक्षण, पावर स्प्रेयर तथा अन्य उपकरणहरू अनुदान तथा सहयोग उपलब्ध गराउने काम सम्पन्न भएका छन् ।
यस्तै नगरपालिकाले पशुपंक्षी विकास कार्यक्रम अन्तर्गत करिब ८ हजार गाईभैसीलाई भ्यागुते तथा चरचरे रोग विरुद्ध, करिब ८ हजार बाख्राहरूलाई पिपिआर रोग विरुद्ध, ३ हजार पशुहरूलाई खोरते रोग विरुद्ध र ५ सय कुकुरहरूलाई रेविज रोग विरुद्ध निःशुल्क खोप लगाउने, पशुपालक व्यवसायिक कृषक तथा अन्य साना कृषकहरूलाई १२ क्वीन्टल हिउँझै घा“स र १० क्वीन्टल वर्षे टियोसेन्टी घाँसको बिउ निःशुल्क वितरण गर्ने र विभिन्न कृषक सहकारीलाई ५ सय र १ हजार लिटर क्षमताको चिलिङ भ्याट र जेनेरेटरमा अनुदान सहयोग गर्ने काम गरेको छ ।à