खोज

बुटवल, ४ बैशाख ।

ललितपुरको बखुन्डोलमा रहेको कर्पोरेट कार्यालय र काठमाडौंको कलङ्कीमा रहेको खल्ती हबले पोखरापछि लुम्बिनी प्रदेशमा पहिलो आउटलेट उद्घाटन गरेको छ । बुटवलको सुवर्ण पथमा एक कार्यक्रमका बीच खल्ती डिजिटल वालेट रुपन्देहीका सुपर डिलर ईश्वर ज्ञवाली, प्रशासकीय अधिकृत सजन दाहाल, सिनियर अफिसर महेश बश्याल, प्रदेश ईन्चार्ज मनिष न्यौपाने, प्रदेश ईन्चार्ज विरेन्द्र बिष्ट, डिलर खल्ती दुर्गा पौडेल, डिलर खल्ती पदम कँुवरले संयुक्त रुपमा उदघाटन गरेका छन् ।

कार्यक्रममा सुपर डिलर ईश्वर ज्ञवालीले सन २०१७ देखि रुपन्देहीलाई डिजिटल साक्षरता बनाउने अभियानमा यहाँका संघसंस्थाहरुको अग्रसरता रहेको बताए । यो कार्यक्रमलाई सहयोग हुने गरी भौतिक उपस्थिति जनाएर खल्ती आम उपभोक्ताहरुको माझ खल्ती विश्वसनीय र लोकप्रिय बन्ने उनले दाबी गरे ।

कार्यक्रममा प्रशासकीय प्रमुख सजन दाहालले खल्ती प्रयोग गर्न जनतालाई सहयोग उपलब्ध गराउन खल्ती हब विस्तार गरिएको हो । तसर्थ, खल्ती हबले सबै उपभोक्ता, एजेन्ट, व्यपारीहरूलाई खल्तीका कुनै पनि सेवाहरु जस्तै साइन अप र केवाईसी अपडेट, उपयोगिता बिल भुक्तानी, बैंक ट्रान्सफर, फ्लाइट, चलचित्र र इभेन्ट टिकट बुकिङ र अन्य धेरै सेवाहरु प्रदान गर्दछ । प्रतिष्पर्धा भन्दा पनि ५ प्रतिशत भन्दा कम प्रयोगकर्ता रहेको बेला बढी भन्दा बढी डिजिटल साक्षरता अघि बढाउन जरुरी रहेको उनले बताए । आफ्नो एप्लिकेशन, वेब च्यानल र हबको साथमा खल्तीले लुम्बिनी प्रदेशमा ८ हजार खल्ती पसल र नेपालभर ७० हजारभन्दा बढी खल्ती पसल मार्फत विभिन्न भुक्तानी सेवाहरु उपलब्ध गर्दै आएको उनले बताए ।

यता खल्तीका प्रमुख कार्यकारी अधिकृत विनय खड्काले क्षेत्रीयस्तरमा खल्ती हब स्थापना गरेर प्रयोगकर्ता, एजेन्ट र व्यापारी साझेदारहरुलाई अझ राम्रो सेवा प्रदान गर्ने लक्ष्य रहेको बुटवलटुडे अनलाईन सम्वाददातालाई बताए । ‘म आशा गर्दछु कि खल्ती हबले सहज भुक्तानी र अन्य डिजिटल सेवाहरु कार्यान्वयन गर्न स्थानीय जनताको हितमा सेवा गर्नेछ’–उनले भने । आईएसओ २७००१ एम २०१३ बाट मान्यता प्राप्त साथै बिस्टा ग्लोबल इन्नोभेशन एण्ड टेक एक्सलेन्स अवार्ड २०२२ बाट सम्मानित खल्ती आफ्नो सेवाको छैठौं वर्षमा पुगेको छ । हाल खल्तीमा देशभरिका ३१ लाख भन्दा बढी प्रयोगकर्ताहरु, ७० हजार भन्दा बढी एजेन्ट, ६० हजार भन्दा व्यापारी, ५० भन्दा बढी बैंक तथा वितिय संस्था, एक हजार भन्दा बढी सहकारीहरु र २ सय ५० भन्दा बढी कर्मचारीको परिवारमा वृद्धि गरेको छ ।

सबै नेपालीहरुमा वित्तीय साक्षरता ल्याउने उद्देश्यका साथ खल्तीले आफ्ना डिजिटल सेवा मार्फत बिल भुक्तानी, मोबाइल र टिभी रिचार्ज, हवाई, सिनेमा र एइभेन्ट टिकट बुकिङ, बीमा शुल्क, इ–कमर्सहरु, सरकारी राजस्व, फोहोर व्यवस्थापन बिलहरु र थुप्रै डिजिटलाइज्ड सेवाहरु उपलब्ध गराएको छ । नेपाल राष्ट्र बैकबाट मान्यता प्राप्त २९ वटा अनलाईन पेयमेन्ट गेटवेय कम्पनी छन ।