खोज

विजुलीमा लोडसेडिङको मार खेपिरहेका सल्यानका नागरिकले फोन सेवामा पनि लोडसेडिङ व्यहोर्नुपरेको छ । सल्यान पश्चिममा रहेको बनगाड कुपिण्डे नगरपालिकाको केन्द्र सल्लीबजारमा टेलीफोनमा समेत लोडसेडिङ हुने गरेको छ । नगरपालिकाको वडा नम्बर चार तारूपारेमा रहेको नेपाल टेलिकमको स्काइ फोन सेवाको टावरमा खराबी आउँदा यस्तो समस्या आएको हो ।
बिगत ९ वर्षदेखि उक्त टावरमा खराबी आउँदा सल्लीबजार सहित बनगाड कुपिण्डे नगरपालिका, कुमाख गाउँपालिका केही क्षेत्र, सिद्धकुमाख गाउँपालिकाको केही क्षेत्र र सुर्खेत सिम्ता गाउपालिका सहित अन्य स्थानका बासिन्दा सञ्चार सेवाबाट बञ्चित भएका छन । २०६६ सालमा निर्माण भएको उक्त टावर अहिले सम्म सोलारको भरमा चलिरहेको छ ।
टावर संचालन गर्न ६५ वाटकोसोलार रहेको छ । निर्माण भएको समयमा ६ महिना सम्म २४ घण्टा राम्रोसँग चले पनि त्यस यता सोलारको ब्याट्रीमा आएको समस्याले अहिले दैनिक १० देखि १२ घण्टा सम्म मात्र टावर सन्चालन हुँदै आएको छ । वर्ष भरी नै टावरमा समस्या आउँदा र सोलारका ब्याट्री चार्ज नहुने भएकाले मुस्किलले दैनिक बिहान ८ बजेदेखि साझ ६ बजेसम्म १० घन्टा फोन सेवा सञ्चालन हुने टावरका प्रतिनिधि शेर बहादुर पुनले जानकारी दिए ।
आफूले २४ सै घन्टा सेवा सञ्चालन गर्न र टावर तथा सोलारका पाता संरक्षणका लागि वरिपरिको स्थान सुरक्षित गर्ने काम गरेको जनाउँदै उनले स्तरबृद्धि गर्न पटकपटक नेपाल टेलिकम केन्द्रिय कार्यालय काठमाडौंमा अनुरोध गरे पनि सम्बन्धित निकायले कुनै चासो नदिंदा यस्तो समस्या आएको पुनले बताए । २४ घन्टामा दैनिक १० घन्टा मात्र टावर सन्चालन हुँदा एक ठाउँबाट अर्को ठाउमा सूचना पठाउन सूचना पाउन निकै समस्या हुनुको साथै इन्टरनेट चलाउन निकै अफ्ठ्यारो भएको सेवाग्राहिले गुुुनासो गरेका छन ।
साथै बनगाड कुपिण्डे नगरपालिका वडा न ५ राउचेको लाटुगैरेमा रहेको नमस्ते टावर एक हप्ता देखि अवरुद्ध भएको छ । यो टावर सगै बनगाड कुपिण्डे नगरपालिका ५ लाटुगैरेमा रहेको टावर, बनगाड कुपिण्डे नगरपालिका ११ माझकाडामा रहेको टावर, छिमेकी जिल्ला सुर्खेतको सिम्ता गाउँपालिका गुमिचुलामा रहेको टावर सहित जम्मा ४ वटा टावर छन । यी सबै टावर सोलारबाट संचालन हुँदै आइरहेका छन । जसले गर्दा बनगाड कुपिण्डे नगरपालिका केन्द्र सल्लीबजार र सिम्ता गाउपालिकाको केन्द्र जामुने बजारमा घाम लागेको बेला मात्रै टेलीफोन सुचारु हुने गरेको छ ।à