खोज

विद्यालयहरूमा विद्यार्थीहरूलाई साईवर क्राईमको वारेमा जानकारी गराउने उद्देश्यले जिल्लाप्रहरी कार्यालय गुल्मीले मंगलबारदेखि गुल्मीमा विद्यार्थीहरू माझ सचेतना कार्यक्रम शुरु गरेको छ ।
मंगलबार सदरमुकाम तम्घास स्थीत महेन्द्र नमुना माध्यमिक विद्यालयका विद्यार्थीहरूलाई साईबर क्राईमको वारेमा जानकारी गराउँदै प्रहरी नायव उपरिक्षक रोशन खड्काले उक्त विद्यार्थी सचेतना कार्यक्रम शुरु भएको हो । विद्यालय तथा क्याम्पसहरूमा अध्ययन गर्ने छात्रा–छात्राहरूलाई समयमै साईवर क्राईम के हो ? र यसको प्रयोग र दुरूपयोगबाट उत्पन्न हुनसक्ने परिणाम के के हुन सक्छन् भन्ने वारेमा जानकारी गराउने उद्देश्यले उक्त सचेतना कार्यक्रम संचालनगरिएको प्रहरी नायव उपरिक्षक खड्काले बताए ।
विद्यार्थीहरू माझ संचालन गरिएको उक्त कार्यक्रममा खड्काले विद्युतीय कारोबार ऐन २०६३ अन्तर्गत सामाजिक संजालमा जानेर वा नजानेर गरिने अपराधहरूको वारेमा जानकारी गराएका थिए ।
उनले फेसबुक, म्यासेन्जर, भाईवर, ईमो लगायतका सामाजिक संजालहरूको प्रयोग गर्दा प्रयोग कर्ताले अपनाउनु पर्ने गोपनीयता र साबधानी र प्रयोग गर्ने तरिकाको वारेमा जानकारी गराएका थिए ।
कहिलेकाँही कतिपय अवस्थामा आफ्ना नजिकका आफन्त र साथीहरूले पनि सामाजिक संजालको दुरूपयोग गरिदिँदा त्यसबाट उत्पन्न हुनसक्ने गलत परिणामहरूको बारेमा चर्चा गरेका थिए । प्रहरी नायवउपरिक्षक खड्काले सामाजिक संजालको अपराध, रोगथाम र त्यसवाट बच्न सक्ने उपाय, कानुनी सजायँ लगायतका विषयहरूको वारेमा छात्रछात्राहरूलाई स्पष्ट रूपमा जनाकारी गराउँदै यसबाट समयमै सबैलाई सजक र सचेत बन्नु पर्ने सुझाव दिए । जिल्ला प्रहरी कार्यालय गुल्मीले जिल्लामा विद्यार्थीहरू माझ समयमै यस्ता प्रकारका कार्यक्रमहरू संचालन गरेर विद्यार्थीहरूलाई वेलैमा सचेतना जगाउने काम गरेको भन्दै महेन्द्र नमूना माध्यमिक विद्यालयका प्रधानाध्यापक केशर बहादुर थापाले जिल्ला प्रहरी कार्यालय गुल्मीलाई धन्यवाद दिएका थिए ।