खोज

श्रावणी मेलाका अवसरमा भै रहेको बोलबम कावर जलयात्राका अवसरमा कपिलवस्तुको तौलिहवामा बिशाल शिव जागरण सम्पन्न गरिएको छ । बिशाल शिव जागरण समितीको आयोजनामा तौलेश्वर नाथ महादेब मन्दिरको पश्चिमीद्धारमा जागरणको आयोजना गरिएको थियो । सोमबारको जलापर्णका लागी आउने श्रद्धालुलाई लक्षित गरि आयोजित जागरणमा भारतको कानपुर स्थित जय माँ काली जागरण समुहका चर्चित कलाकार सैलिजा सिंह, सुरेन्द्र सिंह, प्रिया तिवारी, अकिलेश कुमार, संजिव सिंह र बिक्की शर्माले भजन सुनाएका थिए । कपिलवस्तु र भारतबाट आएका श्रद्धालुको सहभागीता रहेको जागरणमा बोलबम कावर जलयात्राको शुरुवात गरेका हरिहर प्रसाद कान्दु (शिवदास अकेला) तथा कावर जलयात्राको प्रचार प्रसार गरेको तौलेश्वरनाथ बोलबम कावर जलयात्रा समितीलाई सम्मान गरिएको थियो । जागरण कार्यक्रममा प्रदेश सभा सदस्य धर्म बहादुरलाल श्रीवास्तब, रिना बिक, नेपाली काँग्रेसका पुर्व जिल्ला सभापति सुधाकर पाण्डेय, कपिलवस्तु नगरपालिका उपप्रमुख लक्ष्मी गुप्ता लगायतको सहभागीता रहेको थियो । आफुहरूले बिगत केहि बर्ष यता नियमित आयोजना गर्दै आएको बिशाल शिव जागरणलाई आगामी बर्षहरूमा पनि निरन्तरता दिने योजना रहेको आयोजक समितीका संयोजक ओम प्रकाश कान्दु (बड्कन) ले जानकारी दिए ।