खोज

 राष्ट्रिय जनमोर्चाका महासचिव जनकराज शर्माले २७ वर्षमा २८ वटा सरकार बनेपनि जनताले राहत पाउन नसकेको बताएका छन् । नेपाली जनताले महङ्गी, भ्रष्टाचार र असमानताबाट मुक्ति पाउन नसकेको बताए ।
राष्ट्रिय जनमोर्चाको केन्द्रिय कार्यक्रम अनुसार मंगलबार बुटवलको वेलवासमा आयोजित प्रचार सभामा बोल्दै अहिले सम्मका कूनैपनि सरकारले जनताको पक्षमा काम गर्न नसकेको बताए ।
कम्युनिष्ट सरकारको नाममा ओली सरकारले राष्ट्रिय गौरवको आयोजना अरुण तेश्रो भारतसंग सम्झौता गरेर राष्ट्रघाती काम गरेको बताए । उनले नेपाली जनताको चाहाना विपरित जबरजस्त भित्राईएको संघीयतालाई देशले धान्न नसक्ने दावी गरे ।
संघीयताले राष्ट्रियता, गणतन्त्र र धर्म निरपेक्षतालाई धरापमा पारेको दावी गर्दै संघीयताले संविधान कार्यान्यवन हुन नदिने बताए ।
प्रदेसभा सांसद तारा जीसीले महङी, भ्रष्टाचार, महिला हिंसा जस्ता कार्यले समाजमा जरा गाडेको बताउंदै यसको निराकरणका लागि खवरदारी गर्नुपर्ने बताईन । उनले महङ्गी, भ्रष्टाचार, महिला लगायत विभिन्न प्रकारका हिंसा, छुवाछुत, असमानताको विषयमा प्रदेशसभामा कुरा उठाएपनि सुनुवाई नभएको बताईन ।
राष्ट्रिय जनमोर्चाका रुपन्देही अध्यक्ष बद्रे आलमले रोजगारीका अवसरहरु सिर्जना गर्नेतर्फ सरकार उदासिन देखिएको भन्दै वेरोजगार युवाहरुलाई विदेश पठाउने वाहेक यो सरकारले केही गर्न नसकेको आरोप लगाए । उद्योग धन्दामा लगानी वृद्विका लागि सरकार उदाशीन रहेको बताए ।
रुपन्देही सचिव दीपक पौडेलले ओली नेतृत्वको सरकार आएपछि देशमा सातपटक महङ्कीवृद्वि हुंदा जनताले सास्ती भोग्नु परेको बताए । सरकारको नीति कार्यक्रम समाजबाद उन्मुख नभएको बताउंदै सरकारमा सहभागि नेकपाले सर्वहारा वर्ग संघर्षको बाटो छोडेको आरोप लगाए । कार्यक्रममा राष्ट्रिय जनमोर्चाका रुपन्देही अध्यक्ष बद्रे आलम, ढुण्डीराज पौडेल, गणेश गौतम, केपी पोखरेल, तुल्सीराम शर्मा ,टानबहादुर केसी लगायतले बोल्दै सरकारले कम्युनिष्टको नाममा भ्रम सिर्जना गरेको बताए ।, रक्तिम अभियानका कलाकारहरुले गीत तथा नृत्य प्रस्तुत गरेका थिए