खोज

सडक डिभिजन कार्यालय बुटवलका प्रमुख (डिभिजन इन्जिनियर) सुरेश ठाकुर ३६ लाख रुपैयाँ घुस सहित पक्राउ परेका छन् । घुस रकम घर लिएर जाँदै गर्दा उनकी श्रीमती समेत पक्राउ परेका छन् ।अख्तियार दुरुपयोग अनुसन्धान अयोगको बुटवलस्थित कार्यालयबाट खटिएको टोलीले ठाकुरलाई पक्राउ गरेको हो। ३६ लाखमध्ये केही नगद बरामद भएको र केही पैसा बैंकमा जम्मा भइसकेको थियो । बैंकमा जम्मा भएको भौचरहरु समेत आयोगले बरामद गरेको छ ।उनको श्रीमतीलाई हैटौडाबाट खटिएको अख्तियारको टोलीले पक्राउ गरेको हो । घुसको पैसा लिएर वीरगंजस्थित घरमा जाने क्रममा बाटैमा उनी पक्राउ परेकी हुन् । सडक निर्माणको बिल भुक्तानीका लागि उनले ठेकदारसँग मोटो रकम असुलेका हुन् । सूचनाका आधारमा आयोगले उनलाई श्रीमतीसहित पक्राउ गरेको हो ।
उता अख्तियार दुरुपयोग अनुसन्धान आयोगको टोलीले सनिवार गुल्मीमा तम्घास–सिमलटारी–प्यूठान सडक आयोजनामा कार्यरत सव ईन्जीनियर प्रकाश झालाई घुस लिदै गरेको अवस्थामा रंगेहात पक्राउ गरेको छ । झा सदरमुकाम तम्घास वसपार्क स्थीत आफ्नै कोठावाट रु एक लाख रुपैंया नगद सहित अख्तियारको टोलीद्वारा पक्राउ परेका हुन् ।
सव ईन्जिनियर झाले एक जना निर्माण व्यवसायीलाई रनिङ्ग विल बढी दर रेटमा उठाई दिने सर्तमा उक्त व्यक्तिसँग रकम माग गरेको अख्तियार दुरुपयोग अनुसन्धान आयोगको कार्यालय बुटवलको टोलीले जानकारी दिएको छ । विषेश सूचनाका आधारमा शुक्रवार तम्घास आएको अख्तियार टोलीले उक्त निर्माण व्यवसायीले रकम बुझाए लगत्तलै उनकै कोठावाट झालाई पक्राउ गरेको हो । झाको कोठावाट अख्तियारले केही कागजातहरु समेत नियन्त्रणमा लिएको जनाईएको छ ।
सव ईन्जिनियर झाले निर्माण व्यवसायीलाई केही समय अघि उक्त रकम सापटिको रुपमा दिएको र त्यही सापटि दिएको रकम आफुले फिर्ता लिएको बताएका छन् । अख्तियारको टोलीले आवश्यक अनुसन्धानको लागि सनिवार नै झालाई बुटवल लगि थप अनुसन्धान गर्ने जनाएको छ ।