खोज

जनरल खड्ग शमशेर आफ्नी प्यारी रानी तेजकुमारीको सम्झनामा इस १८९३ मा बनाएको रानीमहल पाल्पा सरकारको मातहतमा आएको छ । तानसेन नगरपालिका– १३ स्थित ऐतिहासिक रानीमहल (रानीघाट दरबार) संघीय सरकारले स्थानीय सरकार मातहत रहने गरी हस्तान्तरण गरेको छ ।

मन्त्रालयमा एक कार्यक्रमको आयोजना गरी पर्यटन, संस्कृति तथा नागरिक उड्डयनमन्त्री रबीन्द्र अधिकारीको उपस्थितिमा पूरातत्व विभागका महानिर्देशक भेषनारायण दाहालले तानसेन नगरपालिकाका प्रमुख अशोककुमार शाहीलाई रानीमहल हस्तान्तरणको गरेका हुन । सहमति पत्र दिई हस्तान्तरण गरिएको जनाइएको छ ।
पर्यटकीय तथा धार्मिक गन्तव्यको रुपमा तानसेन नगरपालिकाले कालीतटमा रहेको रानीमहल क्षेत्रको विकासका लागि योजनासहित अघि बढ्ने नगरप्रमुख अशोककुमार शाहीले बताए ।
रानीमहल वि. सं १९५०मा शिलान्यास भई चार वर्षमा दरबार मन्दिर पाटीपौवासहितको निर्माण कार्य पूरा भएको रानीमहल दरबार नेपालकै ताजमहलका रूपमा कालीगण्डकी नदीको उत्तरतर्फ पर्दछ । युयानीशैलीमा बेलायती इन्जिनियरको डिजाइनमा बनाइएको हो । यस महलको पूर्व तिर खड्ग शमशेरको पूजा गर्ने कोठा, माथिल्लो तलामा बैठक कोठा र मध्य तलामा खड्ग शमशेरका कोठाहरू रहेका छन्। त्यस्तै वरिपरि रहेको बगैंचा र रानी पोखरीले महल आकर्षक देखाएको छ ।
जनरल खड्ग शमशेर आफ्नी अति प्यारी रानी तेजकुमारीको सम्झनामा इस १८९३मा एकातर्फ बुर्जाको जग काली गण्डकी नदीमा नै गरहेको महल भित्र पानी पोखरी मन्दिर बगैंचा छन् । अत्यन्त मनमोहक ५६ फिट चौडाई ११२ फिट अग्ल्याई भएको चार तले भवन र त्यसको वरिपरिको वातावरणले सबैको मनमा साँच्चिकै आनन्द दिन्छ । पाल्पाको सदरमुकाम तानसेनबाट उत्तरपश्चिम २ घण्टा ३० मिनेटको पैदल यात्राबाट पुग्न सकिने रानीमहलको हाल पर्यटकीय सन्दर्भमा अत्यन्त महत्व राखेको छ । दिवङ्गत रानीको सम्झनामा बनाइएकोले रानीमहल दरबारलाई ’प्रेमको प्रतिक’ का रूपमा लिइने गरिन्छ ।