खोज

कोरोना संक्रमणको दोस्रो लहर सगै अक्सिजनको अभाव हुन थालेपछि कपिलवस्तु नगरपालिकाले कपिलवस्तु अस्पतालमा अक्सिजन प्लान्ट निर्माणका लागि बजेट छुट्टयाएको थियो । तर संघिय सरकारको अर्थ मन्त्रालयले अस्पलातमा अक्सिजन प्लान्ट निर्माणका लागी डेढ करोड रुपैया बजेट बिनियोजन गरे सगै नगरपालिकाले सो बजेट कोरोना संक्रमण नियन्त्रणकै अन्य क्षेत्रमा खर्च गर्ने निर्णय गरेको छ ।

कपिलवस्तु नगरपालिकाकाले अक्सिजन प्लान्ट खरिद गर्ने प्रयोजनका लागि छुट्टयाईएको बजेटबाट आईसियु जडित सुबिधा संपन्न एम्बुलेन्स खरिद गर्ने तथा कोरोना नियन्त्रणका अन्य कार्यक्रममा लक्षित गरि खर्च गर्ने निर्णय गरेको छ ।
नगर कार्यपालिकाको बैठकले कोरोनाको तेस्रो भेरियन्ट समेत नेपालमा देखिएको सन्दर्भमा अहिलेको बिषम परिथितिलाई मध्यनजर गदै पुर्व तयारीका लागी सुबिधा सम्पन्न अत्याधुनिक एम्बुलेन्स किन्ने निर्णय गरिएको नगर प्रमुख किरण सिंहले जानकारी दिए । कोरोना संक्रमणका कारण आउन सक्ने समस्यालाई मध्य नजर गरि सुबिधा सम्पन्न एम्बुलेन्स खरिद गर्ने तथा अन्य रकम आवश्यक तत्कालिन संक्रमण नियन्त्रणको योजनाका लागी खर्चिने उनले प्रष्ट्याए । सुबिधा सम्पन्न एम्बुलेन्स खरिद प्रयोजनार्थ नगरपालिका बैठकले सामाजिक विकास समितिका संयोजक प्रकाश गैरेकोे संयाजकत्वमा खरिद समिति निर्माण गरेको जनाईएको छ । समितको सदस्यमा वडा अध्यक्ष सुदीप पौडेल, नागरिक अगुवा रबि ठाकुर, नगरपालिकाका लेखा अधिकृत बलाराम न्यौपाने र ईन्जीनीयर राजेश सैनी रहेको छन । नगरपालिकाले अक्सिजन प्लानटका लागि छुट्टाएको रकमबाटै सो एम्बुलेन्स खरिद गर्न थालिएको हो ।

अक्सिजन प्लान्ट खरिदको प्रक्रिया अन्तिम चरणमा पुगेका बेला संघीय सरकारले कपिलवस्तु अस्पताललाई अक्सिजन प्लान्ट निर्माणका लगि ढेड करोड छुट्टाए पछि नगरपालिकाले सो बजेट कोरोना रोकथामकै क्षेत्रमा खर्चिन थालेको नागरिक अगुवा रबि ठाकुरले बताए । “नगरपालिकाले अक्सिजन प्लान्ट जडानका लागी खरिद गर्न प्रक्रिया शुरु गरि सकेको थियो । अहिले संघिय सरकारले बजेट दिने भए पछि नगरपालिकाले सुबिधा सम्पन्न एम्बुलेन्स खरिद गर्ने निर्णय गरेको छ ।

सरकारको बजेटबाट बन्ने अक्सिजन प्लान्ट समयमै निर्माण गराउन सबैले पहल गर्न आवश्यक छ । ” ठाकुरले भने । उता कोरोनो संक्रमणको तेश्रो लहर लाई दृष्टिगत गरि आवश्यक पुर्व तयारी गर्न नगरपालिका सजह रहदै राहत बितरण, सचेतना प्रवाहका कार्यलाई तिव्रता दिने नगर प्रमुख सिंहले प्रष्ट्याए ।