खोज

ब्याण्ड बाजा सहित जन्ती आउँछन्, रूपन्देहीको सियारी गाउँपालिका वडा नम्बर २ भगदरीका शुनिल कोहार दुलाहको भेषमा बग्गीमा चढ्र आउँछन् । उनी जब मन्चमा जान्छन् तव मायादेवी गाउँपालिका वडा नम्बर ७ अहिरौलीकी अनिता कोहार लाई दुलही बनाएर आफन्तहरूले विवाह मञ्च (मण्डप) मा लैजान्छन् ।
पण्डीतले सबै प्रक्रिया पुरा गरेर उनीहरूको विवाह गरिदिन्छन् । जसमा जन्तीको रूपमा रहेका थिए पुर्व कृषि मन्त्री तथा वर्तमान प्रतिनिधि सभा सदस्य छविलाल विश्वकर्मा, ओमसतिया गाउँपालिकाका अध्यक्ष हिरा केवट लगायत । उनीहरू संगै रहेका आफन्तहरूले उनीहरूलाई आशिष दिन्छन् । आआफ्नो गक्ष अनुसारको दक्षिता र दाईजो समेत दिन्छन् । पुर्णरूपमा विधि सम्मत रूपमा विवाह सम्पन्न हुन्छन । दुलाहीलाई पुनः डोलीमा राखेर घर लगिन्छ ।

हेलिकम्टरबाट पुष्प वृष्टि पनि गरिन्छ । आएका जन्तीहरू सबै सु सोभित हुन्छन् । यो बुधबार रूपन्देहीको ओम सतिया गाउपालिका वडा नम्बर –३ लौहरौलीमा गरिएको राम सिता विवाह महोत्सवको झलक हो । शुनिल र अनिता साच्चै नै उक्त दिन देखि विवाह सम्बन्धमा बाँधिएका हुन ।
नेपालमा जनकपुरमा अयोध्याका राजा राम र नेपालकी चेली सिताको विचमा विवाह भएकै दिन रूपन्देहीको ऐतिहासिम ओमसतिया गाउपालिका–३ –श्रम मा रहेको राम जानकी मन्दिरमा भव्य विवाह उत्सव मेला सम्पन्न भएको छ ।
विगतका बर्षहरूमा दर्जन भन्दा बढि व्याक्तिहरू यसरी नै सोही दिन विवाह बन्धनमा बाँिधने ईतिहास रहेको थियो । तर यसको महिमा विस्तारै घट्दै गएको कारण अहिले एउटा जोडीमा सिमीत भएको बताइएको छ । गाउपालिकाले यो मेलालाई विवाह उत्सवको रूपमा भव्य रूपमा मनाउने योजना अनुरूपम केही दिन देखि सुरु भएको मेला ५ दिन बुधबार आएको छ । ७ औं दिनको दिन मेला समापन हुनेछ ।
मेलाको बुधवार पूर्व मन्त्री तथा प्रतिनिधी सभा सदस्य छविलाल विश्वर्माले उद्घाटन गरे ।
विवाह पञ्चमीको दिनको दिन जनकपुरमा जस्तै सोही प्रकृतिको महत्व रहेको रूपन्देहीको उक्त स्थान को समुत्थानको लागि आफ्नो पहल जारी राख्ने प्रतिद्धता व्यक्त गरेका थिए । उनले सबैको साझा पहलबाट नै उक्त कार्य सफल हुने भन्दै सास्कृतीक सम्पदाको रूपमा रहेको उक्त स्थानलाई विश्व सम्पदा सूचीमा समेत सूचिकृत गर्नको लागि पहल गर्ने पूर्व मन्त्री विश्वकर्माले बताए ।
मेला स्थल थप व्यवस्थीत गर्नको लागि, थप संरक्षण र प्रर्वद्धनको लागि गुरुयोजना निर्माणको लागि पनि पहल गर्ने पुर्व मन्त्रीले बताए । कार्यक्रममा बोल्दै उनले भने–‘अर्को बर्ष थप व्यवस्थित र वृहत मेलाको रूपमा राम सिता विवाह महोत्सव हुनेछ, जसमा पुरा पुररूपमा सहयोग गर्ने छु ।’

यस्तै कार्यक्रममा बोल्दै ओम सतिया गाउँपालिकाका अध्यक्ष हिरा केवट राहुलले थप को थप स्तर वृद्धिसँगै मेलालाई थप व्यवस्थीत बनाउने बताए । राष्ट्रिय पहिचानको रूपमा मेला लाई अगाडी बढाउन खोजिएको भन्दै उनले यसलाई थप गुरुयोजना बनाएर अगाडि बढ्ने योजना गाउँपालिकाले बनाएको बताएका थिए ।
कार्यक्रममा नेपाल कम्युनिष्ट पार्टी (नेकपा) का नेता गुणाखर भुषाल, समाजसेवी पशुपती यादव, रामजानकी मन्दिर समितिका पुजारी विश्वनाथ सास्त्री महाराज, गाउपालिकाका प्रवक्ता तथा वडा नम्बर ६ का अध्यक्ष शिव कुमार धवल लगायतले बोलेका थिए ।

तस्वीरहरुः कृष्ण खनाल/न्युज बुटवल टुडे डट कम