खोज

नेपाल कम्युनिष्ट पार्टीको पुनस्र्थापना दिवसका अवसरमा ‘संसदीय व्यवस्था, लोकतन्त्र र वर्तमान सरकार’ विषयक अन्तरक्रिया कार्यक्रम गरेको छ ।
अन्तरक्रिया कार्यक्रमका विप्लव नेतृत्वका नेपाल कम्युनिष्ट पार्टी रूपन्देहीका ईन्चार्ज संगम पुनले संसदिय ब्यवस्था सबै देशहरूमा असफल सिद्द भैसकेको भन्दै यसको बिकल्पमा बैज्ञानिक समाजबाद लागू गराउन आफूहरूले शान्तिपुर्ण संघर्ष अगाडि बढाएको बताए । नेपालमा जतिपटक राजनीति आन्दोलन भएपनि जनताको स्थितिमा परिवर्तन हुन नसेकेको हँुदा एकपटक निर्णायक आन्दोलन जरुरी भएको पुनले बताए ।
यस्तै कार्यक्रममा नेपाल कम्युनिस्ट पार्टी (नेकपा) का प्रतिनिधि बाबुराम पन्थीले आफूहरूले संसदिय ब्यवस्था भित्रैबाट संघर्ष गरिरहेको भन्दै यो ब्यवस्था अन्त्यको दिन नआईसकेको र यसलाई जनमुखी बनाउन दबाब दिन आवश्यक रहेको बताए । नेपाली कांग्रेसका बुटवल नगर सभापती नेता खेलराज पाण्डेले आफूहरू सत्तामा हारेपनि बिचारमा संसदिय ब्यवस्था आफूहरूको चलिरहेको बताए ।
नेकपा(नेकपा) का नेता तथा बामपंथी बुद्दिजिबी सिद्दिचरण भट्टराईले दुई तिहाई बहुमतप्राप्त सरकारले जनमुखी कामहरू गर्न नसक्नु निकै दुःखद भएको बताए ।
कार्यक्रममा नयाँ शक्ति नेपाल प्रदेश नं. ५ का प्रशिक्षण बिभाग प्रमुख तथा लेखक मनिकर कार्की, माक्र्सवादी विचार मञ्च तथा वामपन्थी विश्लेषक युवराज पन्थी, अर्का बरिष्ठ अधिबक्ता तथा बामपन्थी बिश्लेषक दिल सहानी, राष्ट्रिय जनमुक्ति पार्टीका अध्यक्ष झमबहादुर गुरुङ्ग, अखिल नेपाल शिक्षक संगठनका केन्द्रिय अध्यक्ष घनश्याम पाठक, माक्र्सवादी विचार मञ्चका विनबहादुर कुँवर, मानवअधिकार तथा शान्ती समाज नेपालका उपाध्यक्ष गोबिन्द खनाल, नेपाल पत्रकार महासंघ रूपन्देही का अध्यक्ष यानेन्द्र जिसि, लेखक तथा नागरिक समाजका गणेश कडा, नागरिक स्वाधीनताको लागि राष्ट्रिय अभियानका अध्यक्ष पदम कार्की, नेपाल कम्युनिष्ट पार्टीका नेता जितबहादुर रसाईलि, नविन थारु लगायतले बोलेका थिए । à