खोज

 ई–सेवा समाज नेपालले आफ्नो प्रथम वार्षिकोत्सव विविध कार्यक्रमका साथ शुक्रबार बुटवलमा सम्पन्न गरेको छ ।
सो अवसरमा बोल्दै अन्ट्रार्टिका पुग्ने नेपाली भुवनसिंह बिश्वकर्माले विभेदमुक्त समाजको लागि ई–सेवा समाजले उल्लेखनीय कार्य गर्दै आएको भन्दै आगामी दिनमा अझै शसक्त रूपमा अगाडि बढ्न शुभकामना दिए ।

आजको २१ औं सताब्दीमा सबै मानववीच आत्मीयता, र भाइचाराको सम्वन्ध कायम हुनुपर्ने भन्दै यस्तो समाज निर्माणका लागि सबै एकजुट भएर लाग्नुपर्ने बताए । संस्थाका अध्यक्ष एस वि खड्का सुनिलले निकै संघर्ष र मेहनतका साथ ई–सेवा समाजको स्थापना गरिएको स्मरण गर्दै यो संस्था विशुद्ध रूपमा सामाजिक कार्य गर्ने उद्देश्यले जन्म भएको बताए । अन्याय र अत्याचारमा परेका जनसमुदायको उत्थान गरी विभेद मुक्त समाज निर्माणका लागि आफुहरू निरन्तर अभियानमा लागि रहने उनले बताए । कार्यक्रममा संस्थाका उपाध्यक्ष चन्द्रमान मल्ल, तिल्चन पौडेल, दुरदर्शी महीला सहकारीकी कोषाध्यक्ष सविता बिश्वकर्मा, सल्लाहकार नेत्र रुचाल लगायतले बोलेका थिए । सो अवसरमा संस्थाले सामाजिक उत्तरदायित्व अन्तर्गत रक्तदान र मृगौला पिडितलाई आर्थिक सहयोग गरेको समेत गरेको छ । रक्तदान कार्यक्रममा १९ यूनिट रगत संकलन भएको थियो भने मृगौला पिडित सन्जु परियारलाई ५१ हजार १ सय रूपैयाँ आर्थिक सहयोग गरिएको थियो । à