खोज

प्रतिमा बस्नेत स्मृति सहयोगी संस्थाको छैठौं साधारणसभा तथा सातौं प्रतिमा जयन्ती समारोह सम्पन्न भएको छ । सो अवसरमा बिभिन्न बिद्यालयमा अध्ययनरत गरिब तथा जेहन्दार ३० जना बिद्यार्थीलाई छात्रवृति प्रदान गरिएको थियो ।
साथै समाजका बिभिन्न क्षेत्रमा कृयाशिल रहि उत्कृष्ट योगदान पुराए बापत बिभिन्न समाजसेवी, शिक्षापे्रमी महानुभावहरूलाई कदरपत्र सहित दोसल्ला ओढाएर सम्मान गरिएको थियो । सोहि अवसरमा पत्रकारिता क्षेत्रबाट सवारी दुर्घटना न्यूनिकरण, महिला तथा बाल अधिकारका क्षेत्रमा योगदान पुराए बापत पत्रकार सन्जु पौडेललाई प्रतिमा बस्नेत महिला पत्रकारिता पुरस्कारबाट सम्मान गरियो ।
कार्यक्रममा प्रदेश सभा सदस्य भोजप्रसाद श्रेष्ठ र संस्थाका अध्यक्ष नरेन्द्र बस्नेतले पुरस्कृत पत्रकार पौडेललाई पुरस्कार राशी नगद रु. ५ हजार, दोसल्ला र प्रसंसा पत्र प्रदान गरेका थिए । साथै लामो समयसम्म शिक्षा क्षेत्रमा योगदान पुराए वापत बुटवल माबिका प्रधानाध्यापक मो. महवुव खाँलाई पनि नगद पुरस्कार सहित सम्मान गरिएको थियो । कार्यक्रममा नेपाल रेडक्रस सोसाइटी रूपन्देहीका अध्यक्ष प्रेमलाल उदास, समाजसेवी तथा बुटवल नगरपालिकाका पूर्व उपप्रमुख बिमल बहादुर शाक्य, पुरस्कृत पत्रकार सन्जु पौडेल, सम्मानित ब्यक्तित्व मो. महवुव खाँ, समाजसेवी छवि नेपाल, वडा अध्यक्ष महेन्द्र लिगल, संस्थाका अध्यक्ष नरेन्द्र बस्नेत लगायतले संस्थाको कार्यक्रम, उद्देश्य र महत्वबारे चर्चा गरेका थिए ।
कार्यक्रममा उमेरले बृद्धबृद्धा भएपनि नागरिकता नपाएका कारण बृद्धभत्ता पाउन बन्चित भएका ४ जनालाई संस्थाले बार्षिक २ हजार ४ सयका दरले बृद्धभत्ता उपलब्ध गराएको थियो । सवारी दुर्घटनामा परि अल्पायु मै जीवन गुमाउन पुगेकी आफ्नी छोरीको स्मृतिमा स्थापना गरिएको सो संस्थाको आयोजनामा हालै रक्तदान कार्यक्रम पनि सम्पन्न भएको थियो ।