खोज

दाङमा भएका दुई वटा सवारी दुर्घटनामा परि दुई जनाको मृत्युभएको छ । तुलसीपुर घोराही सडक खण्डको सानी अम्बापुरमा टिप्परले मोटरसाईकललाई ठक्कर दिँदा एक जनाको घटनास्थलमै मृत्यु भएको छ । घोराहीबाट सानीअम्बापुर घरतर्फ जाँदै गरेको रा ३ प ८०८२ नम्बरको मोटरसाईकललाई रा १ क ५८२ नम्बरको टिप्परले पछाडीबाट ठक्कर दिँदा घोराही उपमहानगरपालिका १६ सानीअम्बापुर निबासी ४२ बर्षिय तेजबहादुर खत्रीको घटना स्थलमै मृत्यु भएको हो ।
टिप्परले ठक्कर दिएपछि सडकमा खसेका खत्रीलाई टिप्परले च्यापेको छ । ठक्कर पछि सडक देखी तल खसेका मोटरसाईकल चालक सानीअम्वापुरकै बसन्त गिरी घाईते भएका छन् । गिरीको राप्ती स्वास्थ्य बिज्ञान प्रतिष्ठानमा उपचार भैरहेको छ । ठक्कर दिने टिप्पर र चालकलाई प्रहरी चौकी सर्राले नियन्त्रणमा लिएको ट्राफिक प्रहरी कार्यालयका प्रहरी नायव निरिक्षक बिबेक महराले जानकारी दिएका छन् ।
यस्तै देउखुरीमा मंगलबार राति मोटरसाईकलले ठक्कर दिँदा एक पैदलयात्रीको मृत्यु भएको छ । राप्ती गाउँपालिका १ पाखापानीमा लु २१ प ५३४८ नम्बरको मोटरसाइकलले ठक्कर दिदा एक जनाको मृत्यु भएको हो । मृत्यु हुने अन्दाजी ६० वर्षीय पुरुष रहेको तर सनाखत हुन नसकेको ट्राफिक कार्यालय भालुबाङका प्रहरी नायब निरिक्षक उत्तम जिसीले जानकारी दिएका छन् । à