खोज

बुटवल-पुस्कर थापा विहानै विहानै भैरहवाको गौतमबुद्ध अन्तराष्ट्यि गौतमबुद्ध विमानस्थलल आईपुग्छन् ट्याक्सी गुडाउन । दिनभरी ग्राहक कुर्ने उनीहरुलाई गन्तव्यमा पु¥याउनु उनको दैनिकी हो । तर आज भोली पहिले जस्तो ग्राहक पाउदैनन् थापाले । कहि कतै दिनमा एक ट्पि पाए दिनलाई सुखद मान्नु पर्ने अवस्था छ उनलाई । लामो समयसम्म दुबईमा ट्याक्सी चलाएको अनुभव छ उनीसँग तर पनि यहाँ मज्जा आउने गरेर ट्याक्सी गुडाउन नपाएकोमा मन कुडिन्छ उनको ।

थापा भन्छन्, कति अर्काको देशमा दुख गर्ने हो आफ्नै देशमा परिवारसँगै बसेर काम गरु भनेर आए अहिले दैनिकी गुर्जान पनि धौ धौ छ । आफ्नै आँगनमा अन्तराष्ट्रिय एयरपोर्ट बन्यो भन्दा जति खुशी लागेको थियो आज त्यो भन्दा पनि बढी दुखको महसुस भईरहेको छ उनले भने । विदेशमा दुख गरेर कमाएको पैसाले २३ लाख लगाएर ट्याक्सी किने अहिले चलाउनै पाईदैन ।

पहिले ठिकै थियो आन्तरिक उडान हुदासम्म त ट्याक्सी कम थिए । तर जब यहाँबाट अन्तराष्ट्रिय उडान शुरु भयो त्यसपछि यहाँ करिव तीन दर्जन ट्याक्सी थपिए तर जहाज आउँदैनन् । बीचमा हप्तामा तीन पदनसम्म आयो अहिले पुरै ठप्प छ । यहाँ दुःख गरेर पनि खान गाह्रो भईरहेको छ ।
सुवास बञ्जाडेले भैरहवा एयरपोर्टमा ट्याक्सी चलाउन शुरु गरेको करिव ६ वर्ष पुगेको छ । यहि पेशाबाट दुई सन्तान श्रीमती र वुवालाई पाल्न सहज थियो पहिले । राम्रै आम्दानी थियो उनी भन्छन् । यहाँ आएका ग्राहकहरुलाई कहिले लुम्बिनी घुमाउने त कहिले लुम्बिनीका अरु जिल्लामा लैजाने गर्दथिए त्यसबेला सहज जस्तै थियो । हामीले ग्राहकलाई जुन ठाँउमा लैजादा पनि अतिरिक्त शुल्क तिर्न पर्देन थियो तर अहिले प्रदेश स्थापनापछि रुपन्देही र अर्कोको एउटा गरेर दुई जिल्ला मात्र जान पाईछ । बाँकी स्थानमा जादा अतिरक्त शुल्क तिर्नुपर्छ । त्यसो पनि हाम्रो लागि समस्या हो त्यस माथि अझै यहाँ अन्तराष्ट्रिय विमान स्थल सञ्चालनमा आउन शुरु गरे पछि तीन दर्जनजति ट्याक्सी थपिए । अहिले हामी काम बिहिन जस्तै छौं । पहिले पहिले हामीले यहाँबाट गन्तव्यमा पु¥याएका यात्रुले फेरि लिन र छोड्न बोलाउन प्रचलन बाक्लो थियो तर अहिले जहाँ पुगे पनि ट्याक्सी छन् त्यसैले त्यो चलन पनि हराएको हुनसक्छ ।

पहिले हामी टाढाका यात्रु छोडेर आउदा यात्रु ल्याउदा पनि केहि आम्दानी थियो अहिले जहाँ पनि यात्रु कुरेर बसेका ट्याक्सी छन् ल्याउन पाईदैन । यहाँ आउने नियमित आन्तरिक जहाजका यात्रु पनि आफनो साधान प्रयोग गर्ने धेरै छन् । त्यस माथि कम मुल्यमा लैजाने इरिक्सा पनि बाहिर कुरेर बसेका छन् । यात्रुको संख्या कम टयाक्सी धेरै भयो । अन्तराष्ट्रिय उडान त नाम मात्रै भयो अहिले जहाज आउदैन तर पनि हामी आन्तरिक जहाजका यात्रु पाउने झिनो आशामा अन्तिम जहाज आउदासम्म कुरेर बस्नुको विकल्प छैन ।
दुबैमा १७ वर्ष टयाक्सी चलाएका बसन्त गुरुङ्गले आफनै गाँउमा अन्राष्ट्रिय एयरपोर्ट बन्ने थाहा पाए पछि स्वदेशमै आफनो सीपको प्रयोग गर्न हौसिएर ट्याक्सी किनेको बताउँछन् । गुरुङ्गले सोचे जस्तो भएन । आफनै देशमा काम गर्ने वातावरण खै किन हुदैन प्रतिप्रश्न गर्छन । यहाँ विहानबाट आयो खै एक टिप ग्राहकलाई गन्तव्यमा पु¥याउन पनि नपाईने समस्या छ । यहाँ भाडाकासँगै निजि गाडीहरु पनि त्यत्तिकै छन् । यात्रुलाई आफना मान्छे भन्दै बोक्छन् ।

यात्रुलाई हाम्रो समस्या थाहा हुदैन । हामीले सरकारलार्य कर तिरिरहेका हुन्छौं । संगित कर, यात्रुको विमा हुन्छ त्यो बारे थाहै नभएर कम भाडा लियो भने हाम्रै ट्याक्सी हो भनेर हिड्ने यात्रु भेटिन्छन् । यहाँ खुबै अन्राष्ट्रिय एयरपोर्ट भयो धेरै यात्रु हुन्छन् उनीहरु सहज रुपमा गन्तव्यसम्म पु¥याउनु पर्छ र आफनो व्यवसाय पनि चल्छ भन्ने आश थियो । त्यो आश बेकार भयो । अहिले दिनभरीमा एउटा टीप पनि पाउन गाह्रो छ । कसरी चल्छ जिवन । पेश परिवर्तनको सोच आउन थालेको छ । यहाँ विदेशबाट हप्तामा तीन दिन जहाज आउदा र जादा अवस्था फरक थियो । यहाँ सम्म आउने र जाने यात्रुलाई बोक्न पाउदा ठिकै आम्दानी थियो । जहाज आउने क्रम बढ्ला थपिएला, यात्रुको चहलपहल बढ्ला भनेको त यहाँ त एका एक जहाज नै उड्न छाड्यो । आज भोली आन्तरिक उडान मात्रै छ त्यसले कति थेग्छ र यहाँ धेरै स्थनियहरु हुन्छन् आ आप्mनै निजि सवारी साधन छन् । त्यसमा पनि पोखरामा दुर्घटना भए पनि आन्तरिक उडान पनि कम भएको छ यात्रुको संख्या कम छ । त्यसको मार पनि अप्रत्यक्ष रुपमा हामी ट्याक्सी चालक माथि परेको छ ।

गौतम बुद्ध एयरपोर्ट टयाक्सी प्रा लिका अध्यक्ष सिकेन्दर यादवले पछिल्लो समयमा धेरै ट्याक्सी चालकहरु बेरोजगार जस्तै बनेको बताए । उनले पहिले ३५ वटा ट्याक्सी एयरपोर्टमा रहेको बताउँछन् । यि ट्याक्सीले आन्तरिक उडानबाट भैरहवा आउने यात्रुहरुलाई गन्तव्यमा लैजाने काममा गरेर दैनिकी धानिरहेका थिए ।
अध्यक्ष यादव भन्छन्, जब यो एयरपोर्टबाट अन्तराष्ट्रिय उडान शुरु भयो त्यस पछि दर्जनौ ट्याक्सी थपियो । यी ट्याक्सीले अन्तराष्ट्रिय जाहाजबाट आउने यात्रुलाई गन्तव्यमा पु¥याउने सहमती थियो । केहि समय त हप्तामा तिन दिन जजिराको जहाज आयो बीचमा दैनिक पनि आयो त्यस पछि हिमालय एयरलयान्सले पनि केहि समय उडान ग¥यो यसले हामीलाई थप हौसला दिएको थियो ।

सामान्य खर्च धानिएको थियो तर यो बीचमा जहाज नै आउन बन्द भयो यसले हामी माथि भार थपेको छ । अहिले पनि हामीले ए र बी गुप्र बनाएर ट्याक्सी सञ्चालन गर्नु परेको छ । पछि थपिएका २७ वटा ट्याक्सीहरु बाहिर यात्रु कुरेर बसेका छन् अवस्था कमजोर छ । बरु यो ठुला जहाज आउने कुरा नै नभएको भए यो एयरपोर्टमा यस्तो हुदैन थियो । पहिले जस्तोथियो त्यस्तै रुपमा अगाडी बढिरहन्थियो होला । अहिले अन्तराष्ट्रिय उडानको नाममा धेरै ट्याक्सी चालक बेरोजगार जस्तै बनेका छन् । यहाँ ट्याक्सी थपियो जहाज आएन । समस्या भयो । जबसम्म अन्तराष्ट्रिय उडानहरु नियमित हुदैन तबसम्म हाम्रो पेशाले सहि बाटो समात्न सक्ने देखिएको छैन् ।