खोज

पाल्पा माघ – भारत सरकारको सहयोगमा तानसेन नगरभित्र निर्माण भएको शित भण्डारको निर्माण कार्य पुन दश वर्षपछि अगाडि बढेको छ । कृषि उपज भण्डारको लागि निर्माण हुन लागेको शित भण्डार रकम अभावका कारण निर्माणको कार्य चरणमै रोकीन पुगेको थियो ।
करिव एक महिना अगाडि भारतिय राजदुतावासका सेकेन्ड सेक्रेटरी प्रशान्त सोनालको पाल्पा भ्रमणको क्रममा शित भण्डारको निर्माणको कार्य अगाडि बढाउने सहमति भएपछि दस वर्षपछि पुन निर्माणको कार्य अगाडि बढेको हो । निर्माण सकिएको भए १० वर्षमा यस क्षेत्रका किसानले शित भण्डारबाट फाइदा लिइसकेका हुने थिए । भने शितभण्डार अहिलेसम्म पुरानो भइ ममर्त गर्नुपर्ने अवस्थामा पुगिसकेको हुनेथियो । तर मर्मत हुने समयमा शितभण्डारको निर्माण कार्य बल्ल अगाडि बढेको छ ।

२०६९ सालको पाल्गुन २३ गते २ वर्षमा सम्पन्न गर्ने गरी भारतिय सरकारको ४ करोड , ४ लाख , ४४ हजार , ४ सय, १० रुपैया , तानसेन नगर सरकारको ५५ लाख, ४७ हजार , ४ सय , ६९ रुपैया लागतमा, हिमढुगां,एण्ड ठोकर, जय रक्तकाली जे.भि निर्माण कम्पनी संग ठेक्का संझौता भएको तानसेन नगर सरकारको सुचना अधिकारी भरत आचार्यले बताए ।
जिल्लामा कृषि उपज भण्डारणको लागि निर्मीत शित भण्डारको भौतिक पुर्वाधारको निर्माण दश वर्षको अवधिमा २७ प्रतिशत मात्र कार्य प्रगति मात्र भएको थियो । निर्माण कम्पनीले तानसेन नगर सरकार संग पटक पटक म्याद थप गर्दैृ आएको र पुरानो लागत मुल्यमा काम सम्पन्न गर्ने गरी संझौता भएपछि निर्माण कम्पनीले निर्माणको कार्य अगाडि बढाएको नगर सरकारका प्रमुख प्रशाशकिय अधिकृत जिवन ज्ञवालीले बताए ।

शित भण्डार तानसेन नगरको बाघखोरमा निर्माण कार्य अगाडि बढेको हो । शित भण्डार आफनौ टोलमा निर्माण हुन लागेपछि उत्साहीत स्थानियबासी एकाएक निर्माण कार्य रोकिदा निरास थिए । दश वर्ष पछि पुन निर्माणको कार्य अगाडि बढेपछि निरासा पुन खुशीमा परिणत भएको स्थानिय भरत थापा बताउछन ।
स्थानिय माधव भटराई भन्दछन पुन निर्माणको कार्य अगाडि बढनेमा कल्पना नै थिएन तर नगर सरकारले भारतिय दुतावासलाई समय समयमा घच घच्चाउदा निर्माण कार्य अगाडि बढेको हो रोकिएको लामोसमय पछि पुन निर्माणको कार्य अगाडि बढदा सबैमा उत्साह नै पैदा भएको उनले बताए ।
नगर सरकारले पटक पटक सहयोगी निकायलाई रकम उपलब्ध गराउन लिखीत रुपमा पत्राचार गरेका कारण दुतावासका कर्मचारी नै निर्माण स्थालको भ्रमण पछि रकम उपलदब्ध गराउने सहमति थियो ।
निर्माणको क्रममा एकाएक दाता बाटै रकम उपलब्ध नभए पछि लामो समय समय सम्म अलपत्र अवस्थामा रहेको थियो । निर्माणका क्रममा सामाग्री ढुवानीका लागि पहुच मार्ग निर्माणको कार्य निर्माण कम्पनीले लागत खर्च बेहोर्ने गरि काम अगाडि बढाएको भए पनि संझौता भन्दा बाहिरको कामको रकम भुक्तानीको माग दावी भए पछि निर्माण कम्पनी र नगर सरकार बिच समझदारी हुन नसक्दा नगर सरकारले दाता सग रकम उपलब्ध गराउन माग नगर्दा रकम नै रोकीदा निर्माण कार्य रोकिएको थियो ।