खोज

बुटवल,१६ माघ । लाफा समुह बुटबलले आयोजना गरेको बि लेबल भलिबलको उपाधी न्यु होराईजन भलिबल क्लब बुटबले हात पारेको छ ।    शनिवार राती भएको फाईनल खेलमा आयोजक लाफा समुहलाई हराउदै होराइजनले उपाधी चुमेको हो ।

वेष्ट अफ फाईबमा भएको खेलमा पहिलो सेट २५–११ मा रोक्दै न्यु होराईजनले जित निकालेको थियो । तेस्तै दोस्रो सेट पनि न्यु होराईजनले १८ मा रोक्दै लगातार २ सेट जितेर आयोजक लाई दवाबमा राखेको थियो ।

तर निकै नै प्रतिस्पर्धात्मक रहेको खेलमा तेस्रो सेट भने आयोजक लाफा समुहले २५–२१ मा रोक्दै एक सेट जितेको थियो । फाईनल सेट भने न्यु होराईजनले लाफालाई १७ मा रोक्दै प्रतियोगितामा बिजेता हुन सफल भएको हो ।न्यू होराइजनले नगद रू ४५ हजार कप मेडल प्रमाण पत्र हात पारेको छ ।

तेस्तै दोस्रो भएको लाफाले २५ हजार नगद सहित कप मेडल प्रमाण पत्र हात पारेको छ । तेस्रो स्थानका लागि भएको खेलमा गुल्मी जिल्ला भलिबल संघ विजयी भएको छ ।

गुल्मी जिल्ला भलिबल संघ र कन्चन भलिबल संघ रूपन्देही बिच भएको खेलमा सोझो सेटमा ३ सेट जित्दै गुल्मी जिल्ला भलिबल संघ बिजयी भएको हो । गुल्मी जिल्ला भलिबल संघले नगद १५ हजार, कप मेडल प्रमाण पत्र हात पारेको छ ।

कन्चन भलिबल संघ सान्त्वना हुंदै नगद ८ हजार, कप मेडल प्रमाण पत्रमा चित बुझाएको खेल संयोजक बिजय गुरुङले बताए । उत्कृष्ट प्लेयर न्यु होराईजनका उमेश सेन्चुरी हुन सफल भएका छन् ।

होराईजनका खेलाडी सचिन गाहा मगर खेलका उत्कृष्ट स्पाईकर हुन सफल भएका छन । न्यु होराईजनका सौरब गुरूङ बेष्ट सर्भर हुन सफल भए ।

डिफेन्डरमा समिर गुरूङ सटरमा गौरब गुरूङ, उत्कृष्ट ब्लकरमा गुल्मीका लेसन राहाडी मगर, अनशासित खेलाडीमा गुल्मीका बबिन थापा मगर, उदियमान खेलाडीका रूपमा लाफाका शिसीर रानामगरले नगद सहित पुरस्कृत भए ।

पुरस्कार वितरण कार्यक्रम बोल्दै बुटबल उपमहानगरपालीका उप प्रमुख साबिन्रा देबी अर्यालले भलिबल खेललाई राज्यले बजेट मार्फत सम्बोधन गर्नुपर्ने भन्दै खेलकुदको बिकार र पुर्वाधार बिकास जरूरी रहेको बताईन ।

लुम्बिनी प्रदेश खेलकुद परिषदका सदस्य सचिब जय प्रकाश भट्टराईले राज्यले भलिबल खेललाई राष्ट्रीय खेल बनाएर राम्रो गरेको भन्दै आउदा दिनमा भलिबल खेलको बिकास गर्न खेल पुर्वाधार निर्माणसंगै खेलाडीहरूलाई प्रोत्साहन गनु जरूरी रहेको बताए ।

लाफा समुहका अध्यक्ष बबिन थापाले बजेट र पुर्बाधारको अभाबमा खेलकुद गर्नुपरेको बताए । कार्यक्रममा संरक्षक बासुदेब लामीछाने, टिप राना मगर लगाएतले सरकारले गर्नुपर्ने प्रतियोगिता आफूहरुले गर्नुपरेको बताए ।