खोज

। नेपालीहरु संयुक्त परिवारबाट एकल परिवारतर्फ उन्मुख हुदा बृद्ध बा–आमाहरुलाई हेला गर्ने प्रचलन बढ्दै गएको रुपन्देहीका प्रमुख जिल्ला अधिकारी उदय बहादुर रानाले बताएका छन् । उनले बृद्ध–बृद्धाहरुको सम्मान कार्यक्रम नेपाल अधिराज्यभर विस्तारित गर्न सके मातापिताको सम्मान बढ्दै विश्वास व्यक्त गरे । रुपन्देहीको देवदहमा अवस्थित महाकाली शक्तिपिठमा राखिएको बृद्ध–बृद्धाहरुलाई सम्मान कार्यक्रममा बोल्दै उनले उक्त कुरा बताएका हुन् । कार्यक्रममा उनले भने– “नेपालको सन्र्दभममा बृद्ध–बृद्धाहरुको संख्या झन्डै ९ प्रतिशतको हाराहारीमा रहेकाले बृद्धाआश्रम बनाउनुपर्छ भन्ने नेपाल सरकारको पनि रणनिति छ, तर सरकारले मात्रै गर्न नसक्ने हुदा प्रत्येक नगरले बृद्ध आश्रम बनाएर बृद्ध–बृद्धाहरुको अनुभवहरु साटासाट गर्ने थलोको रुपमा विकास गर्नुपर्दछ ।” कार्यक्रममा प्रमुख जिल्ला अधिकारी रानाले बृद्ध–बृद्धाहरुलाई परिवारको भारको रुपमा नलिएर ज्ञान केन्द्रको रुपमा विकास गर्न सके प्रत्येक परिवारमा खुशीयाली छाउने बताए । कार्यक्रममा मन्दिरका संरक्षक गोपालप्रसाद ढकालले सेवा नै धर्म भएकाले बृद्ध–बृद्धाहरुको खुशीहरु साटासाट गर्न थलोको रुपमा महाकाली शक्तिपिठले धेरै सहयोग गरेको बताए । उनले देवदहलाई अध्यात्मिक नगरी बनाउन मन्दिरले सघाउँ पु¥याएको बताउदै युवा पुस्ताहरुलाई धर्म र अध्यात्मबारे अवगत गराउन शक्तिपिठले मद्धत गर्ने बताए ।
सम्मान कार्यक्रममा देवदह नगरका करिब ८० जना बृद्ध–बृद्धाहरुलाई खाना खुवाउनुका साथै नगदले सम्मान गरिएको थियो । कार्यक्रममा मन्दिरका अध्यक्ष गोविन्द ज्ञवाली, साहित्यक एंवम् संचारकर्मी महेश्वर शर्मा, वडा नं ६ का वडा अध्यक्ष दामोदर क्षेत्री, ७ का वडा अध्यक्ष पदम थापा, मन्दिर समितिका उपाध्यक्ष शोभाखर बन्जाडे लगायतले आ–आफ्ना भनाई राखेका थिए ।