खोज

“साईकल चलाऔं । मुटु स्वस्थ्य राखौं” भन्ने मुल नाराका साथ हरेक बर्षको सेप्टेम्बर २९ तारिखमा मनाइने बिश्व मुटु दिवसका अवसरमा आज कपिलवस्तु सदरमुकाम तौलिहवामा साईकल ¥याली सम्पन्न गरिएको छ । पैडल पावर अफ कपिलवस्तु र साईकल राईडर्स अफ कपिलवस्तुको संयोजन र बिङ्स फ्रेन्ड्सको आयोजनामा तौलिहवामा साईकल ¥याली सम्पन्न गरिएको हो । कपिलवस्तु क्याम्पसबाट तिलौराकोट दरबार, गौढीचौक, कुदान, सागरटोल, जमुवार र प्रशासन चौक हुदै बुद्धपद्यम माबिको खेल मैदानमा पुगी ¥याली समापन गरिएको हो ।
साईकल ¥यालीमा प्रमुख जिल्ला अधिकारी अर्जुन प्रसाद पोख्रेल, सहायक प्रमुख जिल्ला अधिकारी रामेश्वर अर्याल, प्रहरी उपरिक्षक मनोज कुमार यादव सहित १ सय २५ बढिको सहभागिता रहेको थियो । साईकल ¥यालीमा कपिलवस्तु नगरपालिका ३ का ७० बर्षिय बिद्यानिवास त्रिपाठी र उनका दुई छोरा सहित ९ बर्षिय नातिनी सानबी त्रिपाठी समेत सहभागी रहेकी थिइन् । सहभागीले ७५ मिनटमा १६ किलोमिटरको साईकल यात्रा तय गरेका हुन् । बिङ्स फ्रेन्ड्सकी उपाध्यक्ष शारदा केसीले आफूहरूले युवा शसक्तिकरण र सामाजिक सचेतनाका गतिबिधिमा सहभागिता जनाउँदै आएको जनाईन् । आयोजक बिङ्स फ्रेन्ड्सका परमानन्द मण्डलले बातावरणमा बढदो प्रदूषण तथा खानपानमा मिसावटले मुटुलाई असर गरेकाले साईकलिङ्ग गरेर मुटुलाई स्वस्थ्य राख्ने बिषयमा सचेतना प्रवाहका लागि कार्यक्रम आयोजना गरिएको बताए । “हामीलाई २४ घण्टा साथ दिने मुटुका लागि दैनिक एक घण्टा छुट्टयाउन सके मुटु स्वस्थ्य हुन्छ,” उनले भने । युवाहरूले शुरु गरेको अभियानले स्वास्थ्य बारे सचेतना प्रवाह गर्न सहयोग पु¥याएको कपिलवस्तु नगरपालिकाका नगर प्रमुख किरण सिंहले बताए । बिश्व मुटु दिवसका अवसरमा युवाले आयोजना गरेको साईकल ¥याली कार्यक्रम सहनिय रहेको प्रमुख जिल्ला अधिकारी अर्जुन प्रसाद पोखरेलले बताए । युवाले सामाजिक सचेतनाका अभियानसँगै सरसफाई बारेका सचेतना कार्यक्रमको अगुवाई गरे आफूहरूले पूर्ण रूपमा सहयोग गर्ने उनको प्रतिबद्धता थियो । “युवाले सचेतना अभियानसँगै नगर सरसफाईको अभियानमा अगुवाई गरि उदाहरणीय बन्न सक्नु पर्छ,” प्रजिअ पोखरेलले भने । युवाहरूको प्रयासमा दिवश मनाइएको जनाउँदै आफूहरूले यस्ता सामाजिक अभियानलाई निरन्तरता दिने बिङ्स फ्रेन्ड्सका अध्यक्ष आदिल खानले बताए ।