खोज

कपिलवस्तु, ३ पुस । जिल्लाका तीन गाउँपालिकाका ३० जना बालबिकास सहजकर्ताले शैक्षिक सामग्री निर्माण तथा क्षमता अभिबृद्धि तालिम पाएका छन् । मायादेवी, यशोधरा र बिजयनगर गाउँपालिकाका प्रत्येक पालिकाका १०/१० सहजकर्तालाई तालिम दिइएको हो । स्थानिय तहमा उपलब्ध सामग्रीहरु बाट शैक्षिक सामग्री निर्माण गरी बालबालिकाको शैक्षिक उपलब्धी बृद्धि गर्ने उद्धेश्यका साथ कालिका स्वाबलम्बन सामाजिक केन्द्रले बालविकासका शिक्षकहरुका लागि १० दिने क्षमता अभिबृद्धि तालिम आयोजना गरेको हो । युएसएड र युनिसेफको सहयोगमा शिक्षामा कोभिड प्रतिकार्य कार्यक्रम अन्र्तगत तालिम सञ्चालन ल्याइएको हो ।
सो कार्यक्रम अन्र्तगत रुपन्देहीका १० वटा गाउँपालिका र कपिलवस्तुका ३ गाउँपालिकामा टोल शिक्षा कार्यक्रम सञ्चालनमा छ । जसमा बिद्यालय बाहेकको अतिरिक्त समयको १ घण्टा टोल शिक्षा कक्षा सञ्चालन हुने गरेको छ । जसका लागी १ हजार ३० जना शिक्षकलाई तालिम दिएर परिचालन गरिएको छ । सबै शिक्षकलाई प्रबिधी सँग शिक्षालाई जोड्ने उद्धेश्यका साथ ट्याब्लेट र ब्लुटुथ स्पिकर दिइएको छ । जसका कारण ३७ हजार ७ सय ९७ बालबालिकालाई ट्याबमा रहेका शिक्षण सिकाईका डिजिटल सामाग्री मार्फत शिक्षण गर्ने गरिएको छ । शैक्षिक उपलब्धीलाई प्रबद्र्धन गर्ने उद्धेश्यका साथ कार्यक्रम अन्र्तगत ४६ हजार ८ सय २० बालबालिकालाई जनही ७ सय ७८ रुपैया बराबरको शैक्षिक सामाग्री प्रदान गरिएको कालिका स्वाबलम्बन सामाजिक केन्द्रका कार्यकारी निर्देशक अर्जुन थापा मगरले जानकारी दिए । त्यसै गरि सबै गाउँपालिकाका १०/१० बालबिकास केन्द्र गरि १ सय ३० बालबिकास केन्द्रलाई प्रारम्भिक बालबिकासको शैक्षिक सामाग्री भएको किट बक्स उपलब्ध गराईएको उनले प्रष्ट्याए । किटबक्सले बालबिकास केन्द्रमा हुनु पर्ने सिकाईका ६ वटै कुनाका लागी आवश्यक सिकाई सामाग्री परिपुर्ति गर्ने छ । ‘दुई जिल्लाका १३ स्थानिय तहका १ सय ३० बालबिकास केन्द्रलाई मोडल केन्द्रको रुपमा तयार पार्न प्रदेश तालिम केन्द्र मार्फत १० दिने मोडल १ र २ का तालिम दिलाउदै छौं ’ कार्यकारी निर्देशक थापा मगरले भने ।
क्षमता अभिबृद्धि तालिममा व्यवहारिक र प्रयोगात्मक रुपमा गरिएकाले तालिमको सिपलाई बालबिकासमा प्रयोग गरी बालबालिकाको सिकाई उपलब्धी बढाउन भुमिका खेल्ने बिजयनगरकी सहभागी कमला भुसालले बताइन । कार्यक्रममा सहभागी भएर आफुले बालबिकासका ६ वटै कुना छुट्टयाएर बालबिकास केन्द्र व्यवस्थित बनाउन सक्षम बनेको यशोधराकी सहभागी साधना शर्माको भनाई थियो । १० दिनको तालिममा स्थानिय श्रोत साधनको प्रयोग गरि कोठा भरि शैक्षिक सामाग्री बनाउन सक्ने भएको मायादेवी गाउँपालिकाकी सहभागी शुसिला धोबीले बताईन । पालिकास्तरमै पुर्नताजगी तालिम वा छलफलको बातावरण बने भविष्यमा बालबिकास व्यवस्थापनका चुनौती सामाना गर्न सहज हुने उनको बुझाई थियो । खेर गएका सामाग्रीको शैक्षिक सामाग्री बनाएर बालबालिकाको सिकाई उपलब्धी बृद्धि गराउन सकिने प्रशिक्षक रिता थापा बोहराको सुझाव थियो । क्षमता बिकासको तालिम प्रयोगात्मक र व्यवहारिक देखिएको बताउदै गाउँपालिकाको शिक्षा शाखाले यस्ता कार्यक्रमलाई प्राथमिकता दिई बार्षिक योजनामा राख्ने यशोधरा गाउँपालिकाका शिक्षा शाखा प्रमुख धुब्र सेजुवालले बिश्वास दिलाए । सहजकर्ताका लागी सिकाई सहजीरकणको कार्यक्रम तत्कालै आयोजना गर्न आफु प्रतिबद्ध रहेको बिजयनगर गाउँपालिकाका शिक्षा शाखाका प्रमुख हरिहर बेल्बासेको प्रतिबद्धता थियो । सिकाई राम्रो भए बिद्यार्थीले बिद्यालयको शिक्षालाई निरन्तरता दिने बताउदै तालिमको सिकाईलाई कार्यक्षेत्रमा कार्यान्वयन गर्नु पर्नेमा कालिका स्वाबलम्बन सामाजिक केन्द्रका अध्यक्ष रामेन्द्रसिंह रावलले जोड दिए । कार्यक्रममा सहभागी संस्थाकी महासचिव शान्ता पौडेल, कोषाध्यक्ष मंदिप सिंह कार्यक्रमका कर्मचारीहरु हेमराज थारु, सुचेता शाक्य लगायतले तालिमले बालबिकास सहजकर्ताको क्षमता अभिबृद्धि भएको र बालबालिकाको सिकाई उपलब्धी बृद्धि गर्न सहयोग मिल्ने बताए ।