खोज

बुटवल, ३ साउन ।

अन्तर्राष्ट्रिय बुद्धिष्ट सेन्टरको आयोजनामा काठमाडौंमा भगवान गौतम बुद्धले २९ बर्ष विताएको कपिलवस्तु नगरपालिकामा संसारकै अग्लो बुद्धमूर्ति बनाउने अवधारणामाथि छलफल भएको छ ।

पुर्व प्रधानमन्त्री माधव कुमार नेपाल अध्यक्ष रहेको सेन्टरले नयाँ बानेश्वरमा गरेको छलफलमा मलेशिया स्टेवर्ड छुँगले बुद्धमूर्ति पार्क संग्रालय सहित तयार गुरुयोजनाको प्रारम्भिक अवधारणा प्रस्तुत गरेका थिए ।

नेपालको तर्फबाट जग्गा प्राप्तीको प्रक्रिया समयमा टुंंिगएमा कपिलवस्तुको बाणगंगा नदी किनारमा आगामी ७ वर्षमा २४५ मिटर अग्लो बुद्धमूर्ति सहितको पार्क बन्ने कार्ययोजना तय गरिएको स्टेवर्डले बताए । बुद्धले २९ वर्ष बिताएको कपिलबस्तुमा संसारकै अग्लो बुद्धमूर्ती निर्माणले विश्वमा नयाँ किर्तीमान कायम गर्ने पूर्वप्रधानमन्त्री माधव नेपालले बताए । उनले यो सम्पन्न गर्न सकिएमा नेपाल सगरमाथाले मात्र हैन बुद्धको संसारकै अग्लो बुद्धमुर्तिले पनि चिनिने बताए ।

कार्यक्रम चिनियाँ मास्टर से डे युनको उपस्थिति थियो । उनले उक्त परियोजनाका लागि श्रोत जुटाउन कठिन नहुने धारणा राखेका थिए । कार्यक्रममा अवधारणाले डिटेल डिजाइन गर्न बुद्धिष्ट सेन्टर, वाइअप कम्पन िमलेसिया र टिआईडिए कन्स्ट्रक्सन चाइनाबीच कार्यसम्झौता पनि गरिएको छ ।

कार्यक्रममा कपिलवस्तुका प्रदेशसभा सदस्य तथा पुर्व मन्त्री बिष्णु पन्थी, लुम्बिनी विकास कोषका उपाध्यक्ष भिक्षु अवधेश कुमार त्रिपाठी, कोषाध्यक्ष सिद्धिचरण भट्टराई, योजना प्रमुख सरोज भटराई, कपिलवस्तु नगरप्रमुख सुदीप पौडेल लगायत, सेन्टरका सचिव मोहन गौतमलगायतले विभिन्न सुझाव दिएका थिए ।