खोज

बुटवल ।

डिसेम्बर ९ अर्थात भ्रष्टाचार विरुद्धको अन्तर्राष्ट्रिय दिवसको अवसरमा बुटवलमा शान्तिपूर्ण प्रदर्शन भएको छ ।

बुटवलको देविनगर स्थित चौपारी परिसरमा – आर्थिक दण्डहिनता अन्त्य गर, भ्रष्ट शिर्ष नेतालाई कारवाही खोई ?, शिर्ष भ्रष्ट पात्रलाई कारबाही गर्नु सुशासनको माग, भ्रष्ट पात्र र प्रवृत्तिलाई ईतिहासले खारेज गरिसक्यो, नयां सरकार पनि पुरानै मार्गमा किन ? लगायतका नारा सहित प्लेकार्डहरु प्रदर्शन गरिएको थियो ।

प्रदर्शनमा मानवअधिकार तथा शान्ति समाजका केन्द्रीय पुर्व सभापति गोविन्द खनाल, राष्ट्रिय मानवअधिकार आयोग लुम्बिनी प्रदेश प्रमुख सन्तोष आचार्य, केन्द्रीय सचिव डिपि खनाल, उच्च अदालत बुटवल इजलास बार एसोसिएसन अध्यक्ष गोविन्द मरासिनी, पारदर्शी सरोकार समूह बुटवलका अध्यक्ष लालहरी पाण्डे, लुम्बिनी वाङ्गमय प्रतिष्ठानका अध्यक्ष ऋषि आजाद, उपभोक्ता हित संरक्षण मञ्च रुपन्देही अध्यक्ष समुन्द्र जिसि, जिल्ला सभापति अर्जुन ज्ञवाली लगायतले बोलेका थिए ।

कार्यक्रममा जिल्ला सहसचिव तथा कार्यक्रम संयोजक अर्जुन कुवर, जिल्ला सचिव लीलाधर लुइँटेलले समेत बोलेको कार्यक्रममा शान्ति समाज जिल्ला उपसभापति कृष्ण पाण्डे, कोषाध्यक्ष मोहनिलाल न्यौपाने, जेष्ठ नागरिक संघ अध्यक्ष बाबुराम खनाल, तेजस्वी सहकारीका अध्यक्ष भोज ब केसी, नविन औद्योगिक विद्यालयका प्राचार्य प्रेम बहादुर बस्नेत, शान्ति समाज रुपन्देहीका कार्यसमिति सदस्य, आजिवन सदस्य ÷ साधारण सदस्य लगायत बुद्धिजीवी, नागरिक अगुवा, संघसस्थाका प्रमुख÷ प्रतिनिधि, संचारकर्मी÷पत्रकारहरुको उपस्थिति रहेको थियो ।

वक्ताहरुले भ्रस्टाचारलाइ निरुत्साहित गर्न सरकारले बिधिको शासन अक्षरस पालाना गर्नुपर्ने औल्याउँदै भ्रस्टाचारीलाइ कानुनी कठघरामा अविलम्ब उभ्याउनु पर्नेमा जोड दिएका थिए ।