खोज

चन्द्रौटा(कपिलवस्तु),  बैशाख ।
कपिलवस्तुको बुद्धभुमि नगरपालिकामा पहुँचका भरमा अनुदान वितरण गरिएको छ । साना कृषि यन्त्रका लागि आर्थिक वर्ष २०७९–८० छुट्टयाइएको अनुदान मापदण्ड विपरीत नगरपालिकाले वितरण गर्ने नामावली प्रकाशन गरेपछि स्थानीयले गुनासो गरेका छन् ।
नगरपालिकाले मनपरि ढङ्गले आफू खुसी व्यक्तिलाई साना कृषि यन्त्र वितरण गर्ने नामावली प्रकाशित गरेको स्थानीय पित्मबर पाण्डेले गुनासो गरे । उनले भने ः– “हरेक बर्ष पाउने व्यक्तिले सदैव पाउँछ नपाउनेले जस्ताको त्यस्तै हुन्छ, आखिर कहिले सम्म ?“ यसलाई नगरपालिकाले ध्यान दिन जरुरी छ । जसले गर्दा स्थानीय सरकारप्रति नागरिकहरुको विश्वास घट्ने गरेको पाण्डेको भनाइ छ ।
समग्र नगरपालिका भित्र अनुदान पाउने नामावली छनौट गर्दा वकिल, शिक्षक लगायतका कर्मचारीले पहुँचका भरमा विगत २ बर्षदेखि एउटै व्यक्तिले पटकपटक अुनदान पाउने गरेको नाम नखुलाउने शर्तमा एक जनप्रतिनिधिले भने । वास्तविक कृषकलाई यन्त्र नभएर जग्गा न्यून भएका गैर किसानलाई राजनीतिक तवरले वितरण गर्न थालिएको समेत उनले आरोप लगाए ।
यता नगर देविराम बेल्वासले कार्यविधि अनुसार अनुदान वितरणको नामावली सार्वजनिक गरेको बताए । नगरले गरेको निर्णयानुसार स्थलगत अनुगमन गरि पाएको नम्बरको आधारमा वास्तविक कृषकलाई छनौट गरि उक्त सामग्री वितरण गर्ने तयारी गरिएको उनले जनाए ।
नगरपालिकाले आर्थिक बर्ष २०७९÷२०८० को स्वीकृत बार्षिक कार्यक्रम अनुसार साना कृषि यन्त्र वितरणको आवेदन माग भई प्राप्त आवेदनको स्थलगत अनुगमनको आधारमा कृषि विकास समितिको गत ८ गतेको निर्णय बमोजिम यन्त्र वितरणको नामावली गत बैशाख १३ गते एक सूचना गरेको छ ।जसमा मिनिटिलर ८० थान, साना सिंचाइ मोटर ५७ थान, साना पम्पसेट १६ थान र कन्सेलर÷थ्रेसर ५ थान वितरण गर्ने तयारी गरेको नगरपालिकाले जनाएको छ ।