खोज

गुल्मी,  चैत- पुर्व प्रधानमन्त्री एवं एमाले अध्यक्ष केपी शर्मा ओलिले २०५१ सालमा नेकपा एमाले सरकारले सुरु गरेको आफ्नो गाउँ आफै बनाउँ भन्ने नारासँगै विकासको अभियान शुरु भएको बताएका छन । एमाले सरकारका हुँदा तत्कालिन गाउँविकास समितिको पालादेखि विकासको लहर शुरु भएसँगै ग्रामिण क्षेत्रमा पनि विकासले फट्कोमार्दै गएको वलीले बताए ।
गुल्मीको छत्रकोट गाउँपालिका ४ अन्र्तगत पिपलनेटा, धरमपानी, मानकोट, दौघा, हुँदै अर्घाखाँचीको फर्सा टाकुरा जोड्ने सडकखण्डको डेढ किलोमिटर कालोपत्रे सडकको मंगलबार उद्घाटन गर्दै अध्यक्ष वलीले उक्त कुरा बताएका थिए ।

उनले देशभर आफुहरुको सरकार हुँदा नागरिकले आशा गर्न लायक थुप्रै विकास निर्माणका पुर्वाधारहरु शुरु भएको बताए । अध्यक्ष वलीले एमाले देशको विकास निर्माणमा जनतासँग सँगै रहेको भन्दै सञ्चालिन योजनालाई पुर्णता दिन आफुहरुको सहयोग रहने प्रतिबद्धता व्यक्त गरेका थिए ।
उक्त सडक प्रदेश समपुरक कोष अन्र्तगत दुई करोड तीन लाख ८० हजार लागतमा पुष्पाञ्जली शंकर जेभी तम्घासले निर्माण गरेको छत्रकोट गाउँपालिका अध्यक्ष राम प्रसाद पाण्डेले बताएका छन । गुल्मी, पाल्पा र अर्घाखाँची जोड्ने १७ किलोमीटर सडकखण्ड अन्र्तगत पहिलो चरणमा पिपलनेटा घडेरीटोला खण्ड कालोपत्रे गरिएको गाउँपालिकाका प्रमुख प्रशासकीय अधिकृत बीर बहादुर पुनले जानकारी गराएका छन ।

आउँदो असार मसान्तमा सम्पन्न गर्ने गरि गत मंसिरमा सम्झौता गरिएको उक्त सडक कालोपत्रेको काम सम्झौता सकिनु भन्दा तीन महिना अघि नै सम्पन्न गरिएको निर्माण व्यवसायी सञ्जय पन्थीले बताए । छत्रकोट गाउँपालिकाका सम्झौता भएका धेरै सडकहरुमा कतिपय निर्माण व्यवसायीहरुले समयमै काम सम्पन्न नगरि अलपत्र पारिरहेको अबस्थामा पुष्पाञ्जली शंकर जेभीले भने समय अगावै काम सम्पन्न गरेको हो ।

२०४९÷५० सालमा पहिलो ट्रयाक खोलिएको उक्त सडक छत्रकोट गाउँपालिका भित्र रहेका आन्तरिक सडकहरु मध्ये पहिलो कालोपत्रे सडक हो । निर्माण भएको झण्डै तीन दशकपछि सडक कालोपत्रे गर्न शुरु भएपछि त्यस क्षेत्रका बासिन्दाहरु थप खुसि बनेका छन ।

एमाले कमजोर बनाउने खेल भएकोछ ः अध्यक्ष ओली
पाल्पा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले एमालेलाई चार्रैतिबार घरोबन्दीमा राख्ने काम भएको बताएका छन् । एमालेको मिसन ग्रासरुट अभियानको क्रममा मंगलबार पाल्पाको तानसेनस्थित दमकडामा आयोजित कार्यक्रमलाई सम्बोधन गर्दै ओलीले बताएका हुन् ।
‘हामीविरुद्ध कमजोर बनाउने खेल भएको छ । एमालेले जतिबेला सरकारको नेतृत्व गर्ने मौका पायो त्यो बेला नै राम्रो काम गरेकाले अहिले चारैतिरबाट घेराबन्दी गरेका छन्,’ उनले भने ‘अब अरु एकातिर, एमाले अर्काेतिर भए पनि कमजोर हुँदैनौ बरु ग्रासरुट अभियानमार्फत अझ सशक्त भएर आउँदो चुनावमा बहुमत सांसद जित्छौं । सुरुदेखि हालसम्म एमाले सरकारले देशको विकास र समृद्धिमा असाधारण काम गरेको छ ।’ एमालेको बढ्दो लोकप्रियता र जनलहरलाई रोक्न प्रतिक्रियावादीले भूमिका खेलेको भन्दै त्यसतर्फ सचेत रहन पनि ओलीले कार्यकर्ताहरूलाई निर्देशन दिएका थिए ।
दशदलीय गठबन्धनले एमालेले अघि सारेका राम्रो योजनाहरुको समेत बजेट रोक्ने काम गरेको आरोप लगाए । उनले भने हामी सरकारमा रहँदा सडक, पूर्वधार र उर्जाका क्षेत्रमा राम्रा कामको थालनि गरेका थियौं, केही काम सम्पन्न भए पनि केही कामले गति लिएको अवस्था थियोृ तर अहिलेको गठबन्धन सरकारले ति कामहरु अलपत्र छाडेको छ ।’
कार्यक्रममा पूर्वपरराष्ट्रमन्त्री तथा पार्टी उपमहासचिव प्रदीप ज्ञवाली मुलुक आर्थिक, राजैनिक र राष्ट्रियता संकटमा रहेको बताए । यस्तो अवस्थामा सत्ता गठबन्धन रमिते बनेको उनको आरोप छ । फरक प्रसंगमा ज्ञवालीले चुनावी प्रतिस्पर्धामा अन्तरघात भएको संकेत गर्दै एमालेभित्र खराब आचरणका मान्छे प्रवेश गरेकाले तिनीहरुलाई पाखा लगाउनुपर्ने बताए थिए ।