खोज

लमही (बुटवल टुडे) माघ । अख्तियार दुरुपयोग अनुसन्धान आयोगको कार्यालय बुटवल, सम्पर्क कार्यालय नेपालगन्जको आयोजनामा गढवा गाउँपालिमा भ्रष्टाचार नियन्त्रण सम्वन्धी अन्तरपक्रिया गरिएको छ ।

अख्तियार दुरुपयोग अनुसन्धान आयोगको कार्यालय बुटवल, सम्पर्क कार्यालय नेपालगन्जका प्रमुख बिजयराज पौडेलले अख्तियार आयोगको काम, कर्तव्य र अधिकारसँगै जिल्लाबाट अख्तियारमा परेका उजुरीको संख्या, कुन पालिकाबाट कति, कुन–कुन शीर्षकका उजुरी लगायतका तथ्यांकहरू प्रस्तुत गरेका थिए ।

कार्यक्रम बोल्दै प्रमुख पौडेलले अख्तियारले गल्ती गर्ने लाई कार्वाही गर्नुको साथै गर्न नदिने हिसाबले अन्तरक्रिया कार्यक्रमहरु सञ्चालन गरेको बताए ।
उनले अख्तियारको दुरुपयोग गर्न बाट रोक्न निरन्तर अघि बढेको बताए । समाजका सबै ब्यक्तिहरु खराब नहुने र सबै राम्रो पनि नहुने बताउदै त्यसलाई सुधार गर्नका लागि अन्तक्रिया कार्यक्रमको आयोजना गरेको बताए । केही राष्ट्रसेवककर्मचारीहरु बाट पनि कानुनको सही जानकारी नहुंदा गलत काम हुने गरेकोले त्यसलाई नियन्त्रण गर्न अभियान जस्तै अन्तरक्रिया कार्यक्रम चलाएको प्रमुख पौडेलले बताए ।
गढवा गाउँपालिका अध्यक्ष यमनारायण शर्मा पोख्रेल ले एकताबद्ध भएर भ्रष्टाचार बिरुद्धमा लाग्न एकदम आवश्यक रहेको बताए । राज्यको सम्पत्तिको रक्षा गर्ने जिम्मेवार निकाय लागेमा भ्रष्टाचार न्युनीकरण गर्न सकिने बताए । भ्रष्टाचार देशको नै ठुलो समस्याको रुपमा रहेको बताउदै अध्यक्ष पोख्रेलले आफु भ्रष्टाचार नगर्ने र गरे कसैलाई नछाडनके प्रतिवद्धता जनाए । कार्यक्रममा ट्रान्सपरेन्सी इन्टरनेसनलले निकाल्ने प्रतिवेदनमा नेपालमा भ्रष्टाचारको तथ्यांकका बारेमा जानकारीसँगै भ्रष्टाचारभित्र पर्ने विभिन्न सूचकहरूको समेत जानकारी गराइएको थियो ।
गढवा गाउँपालिका अन्तर्गत विगत ३ आर्थिक वर्षको उजुरीको अवस्था २०७७/७८ मा जम्मा ६ वटा उजुरी दर्ता भएको थियो जस्मधखये ४ उजुरी फर्च्यौट भएको छ भने २ बाँकी रहेको जानकारी अध्यक्षले जानाकारी गराए ।

त्यसैगरी २०७८/७९ मा जम्मा १५ उजुरी परेको मध्ये १० फर्च्यौट र ५ बाँकी रहेको छ भने २०७९/८० मा माघ महिना सम्म जम्मा ७ उजुरी परेको मध्ये १ को फर्च्यौट भएको छ भने ६ अझै बाँकी रहेको छ । भ्रष्टाचारजन्य कसूर र सजायको बारेमा जानकारी दिइएको थियो साथै भ्रष्टाचार नियन्त्रणका लागि मौजुदा कानूनहरुको वारेमा जानकारी र छलफल गरिएको थियो । विगत पाँच बर्षको भ्रष्टाचारको अनुभूति सूचाकाङ्क अनुसार सन् २०१६ मा नेपाल २९ औ स्थानमा थियो भने सन् २०२१ सालमा ११ सय ७ औ स्थानमा पुगेको छ जुन भ्रष्टाचारमा चुर्लुम डुबेको मानिन्छ। यो बिश्वका १८० देशहरु यस सुचाकाङ्कमा सहभागी हुन्छन् र १०० अंक मध्ये ४० अंक वा सो भन्दा कम अंक ल्याउने मुलुकमा भ्रष्टाचारको भयावह अवस्था भएको मानिन्छ ।

५० अंक वा सो भन्दा माथी अंक ल्याउने मुलुकमा भ्रष्टाचार नियन्त्रणमा रही सुशासन प्रवर्द्धन हुदै गएको मानिन्छ। सदाचार, निष्पक्षता, निर्भिकता, भ्रष्टाचार बिरुद्धको सहकार्यका लागि अपरिहार्य भन्ने मुल नाराका साथ भ्रष्टाचार नियन्त्रण र सुशासन प्रवर्धक सम्बन्धी गढवा गाउँपालिकाको सभाहलमा अन्तरक्रिया कार्यक्रम भएको हो । भ्रष्टाचार नियन्त्रण तथा सुशासनप्रवद्र्वन गर्ने कार्यक्रममा पालिकाका कर्मचारी, विभिन्न राजनीतिक दलका प्रतिनिधि विभिन्न संघ संस्थाका प्रतिनिधि, नागरिक समाज, सुरक्षा निकायका प्रमुख तथा प्रतिनिधि सहितको सहभागिहरुले आ–आफ्नो जिज्ञासा र गुनासो राख्दै अख्तियारलाई सुभावसमेत दिएका थिए ।