खोज

बुटवल उद्योग वाणिज्य संघ केही दिनमा बालमन्दिर परिसरमा सर्ने भएको छ । प्रदेश सभा सञ्चालनका लागि सभाहल र सचिवालयका लागि आफनो भवन प्रदेश सरकारलाई ५ वर्षका लागि हस्तान्तरण गर्दै प्रदेश सरकारले उपलब्ध गराएको वालमन्दिरमा सर्न लागेको हो ।संघको सभाहल तथा सुबिधा सम्पन्न भवन तथा परिसर प्रयोग प्रदेश सभा गठन भएपश्चात नै प्रदेश सभा बैठकका लागि सभाहल र सचिवालय प्रयोग गर्दै आएको प्रदेश सरकारले केहीदिन अघि संघलाई ४० लाख रूपैयाँ अनुदान दिने निर्णय गरेको थियो ।प्रदेश सरकारले संघको कार्यालयका लागि वालमन्दिरमा करिव २० लाखको लागतमा सानो भवन समेत बनाइ दिएको छ ।
प्रदेश सभाको बैठक बस्न सुरु भएदेखि नै संघको सचिवालयको तल्लो तलामा सीमित भएर कार्यालय चलाएको संघले प्रदेश सरकारले सबै भवन छोड्न आग्रह गरेपछि ५ वर्षका लागि संझौता गरेर भवन छाड्न लागेको छ ।प्रदेश मुख्यमन्त्री सहित बिभिन्न तहमा कुराकानी भईसकेको र दुई तिन दिन भित्र संझौता गरी कार्यालय वालमन्दिर परिसरमा स्थानान्तरण गर्ने संघका अध्यक्ष खिम बहादुर हमालले जानकारी दिए ।
संघले असोज पहिलो साता हुने साधारण सभा र दशै बजार वालमन्दिरमा आयोजन गर्ने निर्णय गरीसकेको छ ।