खोज

बुटवल, १९ कात्तिक ।
अन्तराष्ट्रियस्तरमा छोटो समयमा पहिचान बनाउन सफल भएको स्ट्रेन्थ लिफ्टीङ खेल र खेलाडीको विकास अघि बढेको छ । लुम्बिनी प्रदेश स्ट्रेन्थलिफ्टीङ संघको प्रथम बैठक तथा छलफलले खेलाडीहरुलाई संगठित गर्दै प्रदेशस्तरको प्रतियोगिता गर्ने तयारी गरेको छ । नेपाल स्ट्रेन्थलिफ्टीङ महासंघका महासचिव जीवन गिरीले बैठकको औपचारिक रुपमा उद्घाटन गर्दै खेल र खेलाडीहरुको विकासमा सरकार उदासिन देखिएको दुखेसो गरे । नीजि क्षेत्रको लगानीमा फिटनेश तथा जिमका खेलाडीहरु उत्पादन भएको भन्दै अब सरकारको थप सहयोग जरुरी रहेको बताए । अन्तराष्ट्रियस्तरमा छोटो समयमा पहिचान बनाएको स्ट्रेन्थलिफ्टीङ खेल र खेलाडीहरु संगठित गर्ने अभियानमा आफु लागेको उनले बताए । खेलबारे ज्ञान दिने, जिल्ला, प्रदेश, राष्ट्रिय र अन्तराष्ट्रियस्तरमा स्ट्रेन्थलिफ्टीङको संगठनात्मक बिस्तार र कार्यक्रमलाई प्राथमिकता दिएको उनले बताए । क्रिकिस्तानमा सम्पन्न विश्व च्याम्पियनमा सहभागी भएर आफुले मेडल जित्दा निक्कै गौरव लागेको बताउदै उनले यो खेलबाट अन्तराष्ट्रियस्तर सम्भावना रहेको दाबी गरे ।
लुम्बिनी प्रदेश स्ट्रेन्थलिफ्टीङ संघका अध्यक्ष नवराज डुम्रेले सुर्खेतमा हुने १० औ राष्ट्रिय खेलकुद २०८१ लाइ लक्षित गरि देशभर प्रतियोगिता गर्न जरुरी रहेको बताए । फागुनको दोस्रो हप्ता प्रदेशस्तरको प्रतियोगिता गर्ने उनले बताए । नेपालसहित भुटान, भारत, बंगलादेश गरि चारदेश सहभागी हुने गरि अन्तराष्ट्रिय प्रतियोगिता समेत गर्ने निर्णय भएको उनले बताए । बुद्ध जन्मभुमिसंगै खेललाई प्रचार गर्ने रुपमा कपिलबस्तुमा अन्तराष्ट्रिय खेल प्रतियोगिता गने उनले बताए ।
नेपाल स्ट्रेन्थलिफ्टीङ महासंघका सदस्य बिजेन्द्रमान श्रेष्ठले यो महंगो खेल भएको बताए । लगानी धेरै हुने तर सरकारबाट लगानी न्युन हुदा सोचेजस्तो विकास हुन नसकेको दुखेसो गरे । नवौ राष्ट्रिय खेलकुद प्रतियोगितामा पहिलोपटक पर्न सफल रहेको यो खेल विकासमा आफुहरु अघि बढेको बताए । आईरन गेम मानिने यो खेलका विधाहरु रहेको उनले बताए ।
बडि वेट, मास्टर, पुरुष र महिला गरि विभिन्न क्याटोगरिमा प्रतियोगिता हुदै आएको उनले बताए । अहिलेसम्म २ राष्ट्रिय, १ प्रदेश, १ जिल्ला गरि प्रतियोगिता सम्पन्न भएको तथा सिक्किम, क्रिक्रिस्तान, भारतमा भएको अन्तर्राष्ट्रिय प्रतियोगितामा मेडल जित्न सफल भएको उनले बताए । रुपन्देहीमा ४० र प्रदेशभरि १ सय बढि फिटनेश र जिम सेन्टर तथा लुम्बिनी प्रदेशमा ३ सय खेलाडीहरु रहेको उनले बताए ।