© २०२३
कपिलवस्तु, १९ कात्तिक । कपिलवस्तु नगरपालिकाको तौलिहवा बजार क्षेत्रका नेताहरु एमाले छाडेर काँग्रेस प्रवेश गरेका छन् । कपिलवस्तु नगरपालिकाको पुर्व उपप्रमुख समेत रहेका नेकपा एमालेका नेता बासुदेव प्रसाद कसौधन र तौलिहवा उद्योग बाणिज्य संघका पुर्व अध्यक्ष सन्तोष कुमार कसौधन सहित उनका परिवारका सदस्य र शुभेच्छुकहरु काँग्रेस प्रवेश गरेका हुन । उद्योग बाणिज्य संघका पुर्व अध्यक्ष सन्तोष कुमार कसौधन २०७९ को स्थानिय तहको निर्वाचनमा मुख्य बजार क्षेत्रको कपिलवस्तु नगरपालिका वडा नम्बर १ का उम्मेदवार थिए । जसपाका उम्मेदवारले वडा अध्यक्ष जित्दा उनी निकटतम प्रतिश्पर्धि बनेका थिए । बुवा बासुदेवसगै सन्तोष र उनका छोरा अमरदिप सहित शुभेच्छुकहरुलाई काँग्रेसका जिल्ला सभापति अब्दुल कलाम खाँ, प्रदेश महामन्त्री तथा प्रतिनिधी सभा सदस्यका उम्मेदवार सुरेन्द्रराज आचार्य लगायतले पार्टी कार्यालयका स्वागत गरे । राजनिती र समाजसेवामा अग्रणी रहेका नेता कसौधन सहितका नेता कार्यकर्ताको प्रवेशले काँग्रेस थप सुदृढ भएको पुर्व जिल्ला सभापति राजेश आचार्यले बताए ।