खोज

जिल्लाको पाल्हीनन्दन गाउपालिकाले गरेको अध्याधिक कर वृद्धि र भ्रष्टाचार विरुद्ध गाउँपालिकामा स्थानिय किसान सहित गठिन गाउँपालिका समानान्तर स्थानिय सरकारले नाराबाजी र प्रदर्शन गरेका छन् । किसान माथि लगाईएको कर फिर्ता गर्न,अनियमितता छानविनको माग गर्दै नाराबाजी र प्रदर्शन गरेका हुन् । गाउँपालिकामा बढ्दै गएको अनियमितता, भ्रष्टाचार र किसानमा माथि थोपारिएको करको विरोधमा सर्वपक्षिय भेलाले समानान्तर सरकार गठन गरी सुधारका लागि जिप्रका र जिसस मार्फत सचेत गराएको थियो । तर सरोकारवाला निकाय र स्थानिय तहका जनप्रतिनिधिले त्यस प्रति वेवास्ता गर्न थाले पछि समानान्तर सरकारले पहिलो चरणको आन्दोलनको कार्यक्रम घोषणा गरि आन्दोलनमा उत्रेको छ । गाउपालिका भरिबाट प्रतिनिधिको रूपमा उपस्थित राजनीतिक दल,ब्यवसायी र किसानहरूले कार्यालय अगाडी करिब एक घण्टा नाराबाजी गर्दै प्रदर्शन गरेका थिए ।
नाराबाजी र प्रदर्शनका कारण कामकाज ठप्प भएको थियो । प्रदर्शन पछि कार्यालय अगाडी कोणसभा समेत गरि चेतावनी दिएका थिए । कोणसभा सम्बोधन गर्दै स्थानिय कृषक अगुवा तरेन्द्र बर्माले हिन्दी सायरी भन्दै किसान र भुमिकर फिर्ता नभए किसानको भिडले गाउपालिका प्रशासन र जनप्रतिनिधिले तह लगाउने चेतावनी दिए । उनले हिन्दीमा सायरी भने, किसान जल जाता है,खेती लगाने में,अरे ओ वेवफा तुम्हे शर्म नही आई कर लगाने में ।
संसार भर कृषि र किसानलाई अनुदान दिदै कृषकलाई प्रोत्साहन गरिन्छ, उनले भने, यो कस्तो सरकार आयो, किसानको खेत माथि कर लगाउँदै छ । यो कर तत्काल फिर्ता नभए गाँउ गाँउमा गाउपालिका प्रशासन र जनप्रतिनिधिलाई बहिस्कारका कार्यक्रम गर्ने चेतावनी दिए । कोणसभामा स्थानिय राजनीतिकर्मी राजेन्द्र सहानीले किसान माथि कर लगाउने र विलासीताका जिवन जिउने जनप्रतिनिधिलाई अब गाउ गाँउबाट बहिस्कार गर्नु पर्ने बताए । सरकारी बजेटको समेत दुरूपयोग हुने र योजना सचालनमा भ्रष्टाचार गर्ने पाल्हीनन्दन गाउँपालिकाले अग्रता लिएको आरोप लगाए ।
त्यसैक्रममा स्थानिय नेता मुकुरजी गिरीले यो अहिले चेतावनी स्वरूप प्रदर्शन मात्रै भएको बताए । अहिले घर घरबाट जनता उत्रेका छैनन्, उनले भने, सबै जनता उत्रिएमा जनप्रतिनिधि र प्रशासकलाई कार्यालयबा लतारेर बहिर निकाल्न सक्ने चेतावनी दिएका थिए । कोणसभामा बोल्दै समानान्तर सरकारका संयोजक धरेन्द्र यादवले एक दुई साता भित्र यदि किसान माथि लगाईएको कर फिर्ता नगरिए कार्यालयमा अध्यक्ष र प्रमुख प्रशासकिय अधिकृत लगायतका जिम्मेवार जनप्रतिनिधिको कुर्सी फालेर बाहिर निकालिने चेतावनी दिए । उनले भने– किसान र ब्यवसायि माथि थोपारिएको कर फिर्ता बेला मै गर्नुस,अनियमितता र भ्रष्टाचार रोक्नुस् ।’
à