खोज

कपिलवस्तु प्रहरीले आइतबार ४ लाख ३० हजार २ सय ५ रूपैयाँ मूल्य बराबरको अबैध सामान भन्सार चलान गरेको छ । जिल्लाका विभिन्न स्थानबाट विभिन्न समयमा बरामद गरिएका भन्सार छलीका सामान कृष्णनगर भन्सार चलान गरेको प्रहरी नायब उपरीक्षक रबी रावलले जानकारी दिएका छन् ।
केही दिनअघि प्रहरीले विभिन्न स्थानबाट नम्बर प्लेट नभएका ७ (सात) थान मोटरसाईकल बरामद गरेको थियो । लामो समयसम्म पनि कोही कसैले मेरो हो भनि दाबी गर्न नआएपछि बरामदी मुचुल्काका साथ आवश्यक कारबाहीका लागि भन्सार चलान गरेको प्रहरी नायब उपरीक्षक रावलले बताए । भन्सार चलान गरिएका मोटरसाइकल ३ लाख ७ हजार मूल्य बराबर रहेको सूचना सम्प्रेषण तथा प्रवक्ता समेत रहेका रावलले जनाए ।
यसैगरी साउन ३१ गते कपिलवस्तु ५, बभनीबाट बरामद गरिएको ८४ हजार ४ सय १५ रकम बराबरको विभिन्न सामान भन्सार चलान गरिएको प्रहरीले जनाएको छ । भन्सार छली चोरी निकासी गरी ल्याउँदै गर्दा बरामद गरिएका अबैध लत्ताकपडा, चप्पल, तेल, गुटका लगायतका सामान आवश्यक कारबाहीका लागि भन्सार पठाइएको जिल्ला प्रहरी कार्यालय कपिलवस्तुले जनाएको छ ।यसका साथै शनिबार राति इलाका प्रहरी कार्यालय कृष्णनगरको गस्ती टोलीले बरामद गरेको ३८ हजार ७ सय ९० रूपैयाँ बराबरको अबैध सामान आइतबार भन्सार चलान गरिएको छ ।
गस्तीका क्रममा प्रहरीले कृष्णनगर १, कुकुरभुकुवाबाट केराउ, केराउको दाल, युरिया लगायतका सामान बरामद गरेको थियो ।जिल्लामा भइरहेका अपराधिक घटना, अबैध चोरी, निकासी, तस्करी लगायतका घटनामा कमी ल्याउन कपिलवस्तु प्रहरीले सुरक्षाव्यवस्था निकै कडा बनाएको प्रहरी उपरीक्षक मनोज कुमार यादवले बताए । अपराधी तथा चोर, तस्करलाई कुनै पनि हालतमा नछाड्ने प्रहरी उपरीक्षक यादवले बताएका छन् ।à