खोज

बिभिन्न तह र तप्काका लेखक साहित्यकारहरूको मासिक जमघट गराउने कार्यक्रम रुकुम साहित्यमालाले ५० वटा संस्करण पुरा गरेको छ । आजभन्दा तिन बर्ष अघि २०७१ साल असार ७ गते शनिबारका दिन रुकुम पश्चिमको मुसीकोट नगरपालिका वडा नं. ५ सेरिगाउँबाट सुरु भएको यो साहित्यिक अभियान यहाँसम्म आईपुगेको हो ।
हरेक महिनाको पहिलो शनिबार राप्ती साहित्य परिषद्को आयोजनामा कुनै संस्था वा व्यक्तिलाई स्थानिय व्यवस्थापकका रूपमा चुनेर जिल्लाका बिभिन्न ठाउँमा र जिल्ला बाहिर समेत आयोजना गरिने साहित्यमाला घुम्ती साहित्यिक कार्यक्रम हो । यसमा सहभागी भएर जो कोहिले पनि आफ्नो रचना र सिर्जना सुनाउन पाउछन् । साहित्यमालाको ५० औं संस्करण साउन २६ गते शनिबारका दिन रातो तारा बोर्डिङको स्थानिय व्यवस्थापनमा रुकुम पश्चिमको सदरमुकाम खलंगाको सल्लेमा आयोजना गरियो । कार्यक्रममा साहित्यमालाले ५० वटा संस्करण पुरा गरेकोमा पुर्व अध्यक्ष एवम् सहित्यकार गिरिप्रसाद बुढा लगायत उपस्थित सबैले खुसी व्यक्त गरे ।
रुकुम पुर्व र पश्चिमका बिभिन्न स्थानका साथै छमेकी जिल्ला सल्यान देखी दाङ र काठमाडौंको प्रज्ञा प्रतिष्ठानसम्म साहित्यमाला आयोजना गरिसकिएको छ । यहाँसम्म आईपुग्दा धेरैको साथ सहयोग र समर्थन पाईरहेको राप्ती सहित्य परिषद्का रुकुमका वर्तमाण अध्यक्ष मनलाल ओली बताउछन् । ‘हाम्रो रहर र यस क्षेत्रको आवश्यकता दुबै कुराको संयोजनबाट साहित्यमालाको सुरुवात भएको थियो ।’ उनी भन्छन् ‘हामीले आधा शतक अर्थात ५० औं संस्करणको यात्रा पुरा गरेका छौं । रुकुमको साहित्य अरू ठाउँसम्म फैलाएका छौं र अरूतिरको पनि हामिसम्म आएको छ ।’
साहित्यमाला कार्यक्रम संगै परिषद्ले दुई महिनामा एकचोटी एकल रचना वाचन कार्यक्रम र तिन महिनामा एकचोटी पुस्तक परिचर्चा तथा स्रष्ट्रा चिनारी पनि आयोजना गर्ने गरेको छ । साथै साप्ताहिक साहित्यिक रेडियो कार्यक्रम र बार्षिक रूपमा प्रदिप्त दियालो पुस्तक पनि परिषद्ले प्रकाशन गरिहेको छ । संगसंगै एक बर्षयता ‘रुकुम सहित्यमाला पुरस्कार’ का लागि कुल १ लाख ७ हजार रूपैयाँको अक्षय कोष समेत स्थापना गरि उष्कृष्ट सष्ट्रालाई सम्मान गर्ने क्रमको पनि सुरुवात गरिएको छ । लेखिरहेकालाई राम्रो लेख्न र लेख्न चाहनेलाई लेख्ने वातावरण बनाईदिन रुकुम साहित्यमालाले सेतुको काम गरेको मुसीकोट खलंगा बहुमुखी क्याम्पसका प्रमुख मुकुन्द शर्माले बताए ।à