खोज

चलचित्र ‘मिस्टर भर्जिन’ले आफ्नो प्रचारप्रसारलाई तिव्रता दिएको छ । भदौ १ गतेबाट प्रदर्शनको तयारीमा रहेको चलचित्रको टिम चलचित्रको प्रचार प्रसारका लागि आज बुटवलमा आएको छ । यौन मनोविज्ञान रहेको चलचित्र भर्जिनमा गौरव पहारी, विजय बराल, कमलमणि नेपाल, मरिश्का पोख्रेल, भोलाराज सापकोटा, रविन्द्र झा, सिर्जना सुब्बा लगायतका कलाकारको अभिनय रहेको छ ।
चलचित्रका निर्माता प्रजापती सिवाकोटीले चलचित्र उत्कृष्ट बनेको बताउँदै नेपाली चलचित्र जगमा मिस्टर भर्जिन फरक परिबेशको चलचित्र बनेको बताए । कलाकार गौरव पहाडिले आफुले अन्य चलचित्रमा जस्तै यस चलचित्रमा पनि मेहनत गरेको भन्दै चलचित्रलाई दर्शकले रुचाईदिने बताए । नायिका मरिश्का पौडेलले मिस्टर भर्जिन चलचित्रको नाम भएपनि नाममा जस्तै उत्ताउलोपन चलचित्रमा नरहेको बताईन ।
वल्र्ड वाइड फिल्मस् डिस्ट्रिब्यूसने ब्यानरमा बनेको चलचित्रको कथा–पटकथा विजय थापा, अजय पन्त, सन्तोष बोहोरा, हिरा लामा, कपिल खड्का, स्नेहा पौडेल, विशारत बस्नेत, महेश दवाडीको रहेको छ भने संवाद महेश दवाडीले लेखेका हुन् । चलचित्रमा रामेश्वर कार्कीको छायाङ्कन, विक्रम स्वाँर, दीपक याम सिंहको कोरियोग्राफी ,सुरज पण्डित, श्रीकृष्ण बम मल्ल, आधा सुर, मिस्टर आर।जेको सङ्गीत रहेको छ । ‘मिस्टर भर्जिन’मा खिलेन्द्र तिमल्सिना, प्रजापति सिवाकोटी, मुकेश रेग्मी र बिशारद बस्नेतको लगानी रहेको छ भने सह निर्मातामा सन्दिप उप्रेती, टिका पुलामी मगर र हेम प्रसाद दवाडी रहेका छन् ।